અમદાવાદઃ પ્રદેશ કૉંગ્રેસ કાર્યાલયે તોડફોડ, ભરતસિંહનો વિરોધ

અમદાવાદ કોંગ્રેસ કાર્યાલય ખાતે તોડફોડ કરવામાં આવી છે. ભરતસિંહ સોલંકીના વિરોધમાં દિવાલ પર અપશબ્દો પણ લખવામાં આવ્યા તેમજ ભરતસિંહના ફોટો પણ સળગાવવામાં આવ્યા છે. આ સિવાય ભરતસિંહના નામની નેમ પ્લેટની પણ તોડફોડ કરવામાં આવી છે.

પૈસાના જોરે ટિકિટ વેચવાનો આરોપ

યુથ કૉંગ્રેસ તેમજ NSUIના કાર્યકરો મોટી સંખ્યામાં પ્રદેશ કૉંગ્રેસ કાર્યાલય ખાતે એકઠા થયા છે. અહીં, આક્રમક દેખાવો કરી ભરતસિંહના નામની તકતી પણ તોડી નાંખી પૈસાના જોરે ટિકિટ વેચવાનો આરોપ લગાવવામાં આવ્યો છે.

ઈમરાન ખેડાવાલાને ટિકિટ આપવાને લઈ વિરોધ કરવામાં આવ્યો છે. જમાલપુરમાં મેન્ડેટ રદ કરવાની પણ રજૂઆત કરવામાં આવી છે.