ફિલ્મ ઈન્ડસ્ટ્રીમાંથી ખૂબ જ દુઃખદ સમાચાર સામે આવ્યા છે. મરાઠી ટીવી અભિનેત્રી કલ્યાણી કુરાલેનું માર્ગ અકસ્માતમાં નિધન થયું છે. તે માત્ર 32 વર્ષની હતી. પોલીસના જણાવ્યા અનુસાર, કોલ્હાપુરમાં એક ટ્રેક્ટરે અભિનેત્રીના સ્કુટરને ટક્કર મારી હતી જેમાં તેણે જીવ ગુમાવ્યો હતો. કલ્યાણી કુરાલે ઘણા ટીવી શોનો ભાગ હતી. કલ્યાણી કુરાલે જાધવ છેલ્લે ‘દખાંચા રાજા જ્યોતિબા’ અને ‘તુજ જીવ રંગલા’ શોમાં જોવા મળી હતી.
અકસ્માત શનિવારે મોડી રાત્રે થયો હતો
અધિકારીઓના જણાવ્યા અનુસાર, આ અકસ્માત સાંગલી – કોલ્હાપુર હાઈવે પર હલોન્ડી ક્રોસિંગ પાસે થયો જ્યારે અભિનેત્રી ઘરે જઈ રહી હતી. તેને નજીકની હોસ્પિટલમાં લાવવામાં આવી હતી જ્યાં તેને મૃત જાહેર કરવામાં આવી હતી. કોલ્હાપુર પોલીસના જણાવ્યા અનુસાર ટ્રેક્ટર ચાલક વિરુદ્ધ આઈપીસી અને મોટર વ્હીકલ એક્ટ હેઠળ કેસ નોંધવામાં આવ્યો છે.
થોડા સમય પહેલા ખુલેલા પોતાના રેસ્ટોરન્ટથી આવતી હતી
રિપોર્ટ્સ અનુસાર અભિનેત્રી કલ્યાણી પોતાની રેસ્ટોરન્ટ બંધ કરીને ઘરે જઈ રહી હતી. સૂત્રોના જણાવ્યા અનુસાર, કલ્યાણી કુરાલેએ થોડા દિવસો પહેલા રેસ્ટોરન્ટ ખોલી હતી અને અભિનેત્રી દરરોજ રેસ્ટોરન્ટમાં મહેમાનોને સંભાળતી હતી. કલ્યાણી તેના બિઝનેસ અને શૂટિંગ બંનેમાં સમય આપતી હતી.
