ટોચની ક્લબ Liverpool ખરીદવા મેદાનમાં મુકેશ અંબાણી

વિશ્વના આઠમાં સૌથી અમીર વ્યક્તિ મુકેશ અંબાણી ઈંગલિશ પ્રીમિયર લીગની ટોચની ક્લબ Liverpool ખરીદવા મેદાનમાં ઉતર્યા છે. ક્લબના હાલના માલિક ફેનવે સ્પોર્ટસ ગ્રુપ (FSG)એ તેને વેચવાનું એલાન કરી દીધું છે.

FSG 4 બિલિયન પાઉન્ડમાં ક્લબને વેચવા તૈયાર છે. લગભગ 90 બિલિયન પાઉન્ડની નેટવર્થ સાથે ફોર્બ્સ દ્વારા અંબાણીને વિશ્વના આઠમા સૌથી ધનિક વ્યક્તિ તરીકે નામ આપવામાં આવ્યું હતું.

મુકેશ અંબાણીએ ક્લબ ખરીદવામાં રસ દાખવ્યો છે. FSGએ 2010માં લિવરપૂલની કમાન સંભાળી હતી.  આ અઠવાડિયાની શરૂઆતમાં FSGએ ક્લબને વેચવા માટે તૈયાર છે એવું કહીને ફૂટબોલ વિશ્વને સ્તબ્ધ કરી દીધું હતું.