નાઈટ શિફ્ટમાં કામ કરતા લોકોએ આ મહત્વપૂર્ણ બાબતો જાણી લો : નહીં તો સ્વાસ્થ્ય પર થશે ખરાબ અસર

આજકાલ નાઇટ શિફ્ટનું કલ્ચર ઘણું વધી ગયું છે. કર્મચારીઓ તેમના કામ પ્રત્યે એટલા ગંભીર છે કે તે દિવસની શિફ્ટ હોય કે નાઇટ શિફ્ટ, તેઓ કોઈપણ સમયે ખંતથી કામ કરવા તૈયાર હોય છે. કામ પ્રત્યે પ્રમાણિકતા એ સારી બાબત છે, પરંતુ ઓફિસમાં ઘણા કલાકો સુધી ઊંઘ્યા વગર કામ કરવું અથવા નાઈટ ડ્યુટી કરવી એ સ્વાસ્થ્ય માટે હાનિકારક હોઈ શકે છે.

આ પણ વાંચો : તુલસી છે ‘મેડિકલ ઔષધિ’ : જાણો રામ તુલસી અને કૃષ્ણ તુલસીનો ઉપયોગ કેવી રીતે કરવો

નાઇટ શિફ્ટમાં કામ કરવાથી આપણાં આરોગ્યને પણ ઘણી અસરો થાય છે. ઘણી કંપનીઓ એવી છે, જે 24 કલાક સેવા પૂરી પાડે છે. આવી સ્થિતિમાં કંપનીઓમાં કામ કરતા કર્મચારીઓની શિફ્ટ બદલી કરવામાં આવે છે. આ શિફ્ટ આખી રાતથી વહેલી સવાર સુધી હોઈ શકે છે. નાઇટ શિફ્ટર્સ માત્ર શારીરિક જ નહીં પરંતુ માનસિક રીતે પણ પ્રભાવિત થાય છે. વિશ્વભરમાં, નાઇટ શિફ્ટ સામાન્ય રીતે ઘણા ક્ષેત્રોમાં જેવાં કે ડોકટરો, નર્સો, પાઇલોટ, મીડિયા કર્મચારીઓ, પોલીસકર્મીઓ અને સુરક્ષા રક્ષકો જેવાં વ્યવસાયનો સમાવેશ થાય છે.

જો તમે પણ આવા જ સાથે જોડાયેલા છો જ્યાં તમારે નાઈટ શિફ્ટ કરવી પડે છે, તો તમારા સ્વાસ્થ્યને થતા નુકસાન વિશે જાણો.

નાઇટ શિફ્ટમાં કામ કરવાના ગેરફાયદા

ઊંઘ પર અસર

રાત્રે કામ કરવાથી લોકોની ઊંઘના ચક્ર પર અસર થાય છે. મોડી રાત્રે કામ કરવાને કારણે લોકો દિવસ દરમિયાન સૂઈ જાય છે. તે તમારા સ્વાસ્થ્ય માટે હાનિકારક છે. આવા લોકો સ્થૂળતા, અપચો સહિત અનેક શારીરિક તેમજ માનસિક સમસ્યાઓનો ભોગ બને છે.

ખાવાની ટેવ પર અસર

ઓફિસમાં નાઇટ શિફ્ટમાં કામ કરતા લોકોની ખાનપાન પર સીધી અસર જોવા મળી રહી છે. નાઇટ શિફ્ટર્સ મોડી રાત્રે ખાવાની આદત બનાવે છે. આની સીધી અસર તેમના પાચનતંત્ર પર પડે છે. પાચન ક્રિયા ધીમી પડી જાય છે અને કબજિયાત જેવી સમસ્યા થવા લાગે છે.

વજન વધારો

જ્યારે લોકો નાઇટ શિફ્ટ કરે છે ત્યારે તેમનું વજન વધવાનું જોખમ પણ વધી જાય છે. લોકોને રાત્રે કામ દરમિયાન ભૂખ લાગે છે અને તેઓ ગમે ત્યારે કંઈક ખાવાનું ચાલુ રાખે છે. સવારે તેઓ તેમની રાતની ઊંઘ પૂરી કરવા માટે સૂઈ જાય છે. આવી સ્થિતિમાં કસરતના અભાવ અને ખોટા સમયે ખાવાથી શરીરનું વજન પણ વધી શકે છે અને સ્થૂળતા આવે છે.

સામાજિક જીવન પર અસર

મોડી રાત્રે કામ કરવાને કારણે આવા લોકોનાં સામાજિક જીવનને પણ અસર પડે છે અને તેમનાં જીવનસાથી,મિત્રો,કૌટુંબિજનો તેમજ પરિચિતોથી તેમનું અંતર વધે છે. તેઓ ખાસ કરીને તેમનાં પાર્ટનરને સમય નથી આપી શકતા અને તેમનાં લગ્નજીવનમાં તણાવ વધવા લાગે છે, જે માનસિક સ્થિતિને અસર કરવાનું કારણ પણ બને છે.