એવા તો કયા ફિચર્સ માટે ટ્વિટરને આપવો પડશે ચાર્જ ? જાણો વિગતવાર

ટ્વિટરના માલિક બનવાની સાથે જ એલોન મસ્કએ ઘણા ફેરફારો કર્યા છે, જેમાં મુખ્ય છે અધિકારીઓની છટણી. એલોન મસ્ક તેના લગભગ 50 ટકા કર્મચારીઓને કાઢી મૂક્યા છે. કેટલાક અહેવાલોમાં દાવો કરવામાં આવી રહ્યો છે કે ટ્વિટરની ભારતીય ઓફિસના તમામ કર્મચારીઓને પણ નોકરીમાંથી કાઢી મૂકવામાં આવ્યા છે. હવે તે ત્રણ ફીચર્સનું લિસ્ટ બહાર આવ્યું છે, જેના માટે એલોન મસ્ક આઠ ડોલર ચાર્જ કરવાના છે. હવે કઈ સુવિધાઓ માટે આઠ ડોલર ચાર્જ કરવાના રહેશે, તે સમજીએ.

આ પણ વાંચો : WhatsApp માં આવશે અધધ 12 જેટલાં નવા ફિચર્સ : જાણો શું છે દરેક ફિચર્સની ખાસિયત

ટ્વિટર સીધો સંદેશો મોકલવા માટે

એલોન મસ્ક ટ્વિટર પર ડાયરેક્ટ મેસેજ (ડીએમ) સુવિધા માટે ચૂકવણી કરવાના છે, જે પછી તમે આઠ ડોલર ચૂકવીને ટ્વિટર બ્લુનું સબ્સ્ક્રાઇબ કર્યું હોય તો જ તમે હાઇ પ્રોફાઇલ એકાઉન્ટ પર મેસેજ કરી શકશો, જોકે આ સંદર્ભે એલન મસ્ક અથવા Twitter તરફથી કોઈ નિવેદન જારી કરવામાં આવ્યું નથી, પરંતુ કેટલાક દસ્તાવેજો લીક થયા છે જેમાંથી આ વિશે માહિતી પ્રાપ્ત થઈ છે. હાઇ પ્રોફાઇલ એકાઉન્ટ કેવી રીતે નક્કી થશે? આ વિશે પણ કોઈ માહિતી નથી.

ટ્વિટર બ્લુ ટિક માટે

બ્લુ ટિક ટ્વિટરની સૌથી ખાસ અને લોકપ્રિય સુવિધા છે, જેના માટે દરેક વ્યક્તિ બેચેન રહે છે. માલિક બન્યા પછી, એલોન મસ્કએ કહ્યું છે કે બ્લુ ટિક માટે $8 ચૂકવવા પડશે, નહીં તો બ્લુ ટિક પાછી ખેંચી લેવામાં આવશે. આ ફી માસિક ચૂકવવી પડશે.

વીડિયો જોવા માટે

એવું કહેવામાં આવી રહ્યું છે કે ટ્વિટર પર કેટલાક વીડિયો જોવા માટે પૈસા પણ ચૂકવવા પડશે, જો કે હજુ સુધી તે નક્કી નથી થયું કે તેમાં કયા પ્રકારના વીડિયો સામેલ કરવામાં આવશે. એવું કહેવામાં આવી રહ્યું છે કે વીડિયોને પેવૉલ્ડ વીડિયો તરીકે વર્ગીકૃત કરવામાં આવશે.