BAPS સ્વામિનારાયણ મંદિર, અમદાવાદમાં પ્રબોધિની એકાદશીના પવિત્ર દિને યોજાયો ભવ્ય શાકોત્સવ

પૃથ્વીને અનેકવિધ શાકભાજી અને ફળોથી સમૃદ્ધ કરી સમગ્ર માનવજાત પર મહેર કરનાર એવા પરમાત્મા પ્રતિ કૃતજ્ઞતા વ્યક્ત કરવા આ વિશિષ્ટ ઉત્સવની પ્રતિ વર્ષ અનેરા ઉત્સાહ અને ભક્તિભાવપૂર્વક ઉજવણી કરવામાં આવે છે.

આજે, 4 નવેમ્બર, પવિત્ર ચાતુર્માસના અંતે પ્રબોધિની એકાદશીના પવિત્ર દિને અમદાવાદ શાહીબાગ સ્વામિનારાયણ મંદિરમાં ભગવાન સમક્ષ સેંકડો શાકભાજી અને ફળોની ભવ્ય હાટડીનું આયોજન કરવામાં આવ્યું હતું.

આ પણ વાંચો : આજે વિશ્વ સુનામી જાગૃતિ દિવસ : સુનામી વિશે જાગૃતિ લાવવા માટે ઊજવવામાં આવે છે આ દિવસ

સેંકડો હરિભક્તોએ આજના આ પવિત્ર દિને 100 કરતાં વધારે, કલાત્મક રીતે ભગવાન સમક્ષ અર્પણ કરેલાં આ શાક અને ફળફળાદિની હાટડી ના દર્શન કર્યા હતાં અને સાંજે ૫ વાગ્યે વિશિષ્ટ આરતીનો લાભ લીધો હતો.