ગુજરાતમાં એક બાજુ વિધાનસભા ચૂંટણીના પડઘમ વાગી રહ્યા છે. તો બીજી તરફ ગુજરાતમાં વિવિધ વિભાગમાં બદલીઓનો દોર ચાલી રહ્યો છે. છેલ્લા કેટલાક સમયથી અનેક વિભાગમાં બદલીઓ કરવામાં આવી છે. મળતી માહિતી મુજબ ગુજરાતમાં આજકાલમાં ચૂંટણીની તારીખો જાહેર કરવામાં આવશે. ત્યારે ચૂંટણીની જાહેરાત પહેલા રાજ્યમાં બિન હથિયારી 27 PIની બદલી કરવામાં આવી છે.
PI Transfer
આ પહેલા પણ થોડા દિવસ પહેલા રાજ્યના ગૃહવિભાગ દ્વારા 17 સિનિયર IPS અધિકારીઓની બદલીના આદેશ આપ્યા હતા. આ અગાઉ બિન હથિયારી 76 DySPની બદલી પણ કરવામાં આવી હતી. એ પહેલાં મામલતદાર કક્ષાના 24 અધિકારીઓની બદલીના આદેશ આપવામાં આવ્યા હતા. તે પહેલા 7 ડેપ્યુટી કલેક્ટરોની પણ બદલીના મહેસૂલ વિભાગ દ્વારા આદેશ આપવામાં આવ્યા હતા. ત્યારે આજે ફરી પોલીસ બેડામાં મોટાપાયે ફેરફેર કરવામાં આવ્યા છે અને રાજ્યમાં બિન હથિયારી 27 PIની બદલી કરવામાં આવી છે.
આ પણ વાંચો : ગુજરાતમાં શિયાળાની એન્ટ્રી? હવામાન વિભાગ અને નિષ્ણાંતે કરી આ આગાહી
