કેજરીવાલનું હિંદુ કાર્ડ: ચલણી નોટ પર ભગવાનની તસવીર મામલે સર્વેમાં આવ્યું ચોંકાવનારુ પરિણામ

આ વર્ષના અંત સુધીમાં બે રાજ્યોમાં ચૂંટણી યોજાવાની છે. ભાજપ, કોંગ્રેસ, આમ આદમી પાર્ટી સહિત વિસ્તારની પાર્ટીઓ પણ ફુલ એક્શન મોડ પર જોવા મળી રહી છે. હિમાચલ પ્રદેશ વિધાનસભા ચૂંટણીની તારીખોની જાહેરાત સાથે જ રાજ્યના રાજકીય પક્ષો કમર કસી ગયા છે. રાજ્યમાં 12 નવેમ્બરે મતદાન થશે જ્યારે ગુજરાત ચૂંટણીની તારીખો હજુ જાહેર થવાની બાકી છે. આ પહેલા નેતાઓની બયાનબાજી શરૂ થઈ ગઈ છે. આ સાથે અનેક નિવેદનો પણ હેડલાઇન્સમાં છે. આમાંથી એક દિલ્હીના સીએમ અરવિંદ કેજરીવાલનું નિવેદન છે. સીએમ કેજરીવાલે ભારતીય ચલણી નોટો પર લક્ષ્મી-ગણેશના ફોટાની માંગ કરી છે.

આ પણ વાંચો: મોરબીમાં ભાજપના 24 વર્ષ દાવ પર! આ રીતે રાજકીય પરિસ્થિતિ બદલાશે

લક્ષ્મી-ગણેશની તસવીર લગાવવાની અરવિંદ કેજરીવાલની માંગ સાચી

એક સર્વેમાં પુછવામાં આવ્યું કે શું નોટ પર લક્ષ્મી-ગણેશની તસવીર લગાવવાની અરવિંદ કેજરીવાલની માંગ સાચી છે? આ સવાલના જવાબમાં એક ચોંકાવનારી વાત સામે આવી છે. બંને રાજ્યોના સર્વેમાં 45 ટકા લોકોએ કહ્યું કે નોટ પર લક્ષ્મી-ગણેશની તસવીર લગાવવાની અરવિંદ કેજરીવાલની માંગ સાચી છે. જ્યારે 55 ટકા લોકો માને છે કે અરવિંદ કેજરીવાલની આ માંગ ખોટી છે.

આ પણ વાંચો: જાણો શું છે ગુજરાતમાં ભાજપનો UCC લાગુ કરવા પાછળનો નવો પ્લાન

આ માટે તેઓ પીએમ મોદીને પત્ર પણ લખશે

દિલ્હીના સીએમ અને આમ આદમી પાર્ટી (AAP)ના કન્વીનર અરવિંદ કેજરીવાલે ભારતીય ચલણ પર લક્ષ્મી અને ગણેશજીનો ફોટો લગાવવાની માંગ કરી છે. અર્થવ્યવસ્થાની સારી સ્થિતિ અને દેશને વિકસિત બનાવવા માટે ‘દેવ-દેવીઓના આશીર્વાદ’ની જરૂરિયાત જણાવતા તેમણે આમ કહ્યું છે. કેજરીવાલે એમ પણ કહ્યું કે નોટની એક બાજુ ગાંધીજીની તસવીર અને બીજી બાજુ લક્ષ્મી-ગણેશની તસવીર લગાવવાની છૂટ હોવી જોઈએ. આ માટે તેઓ પીએમ મોદીને પત્ર પણ લખવાના છે.

આ પણ વાંચો: મોરબીમાં થયેલ દુર્ઘટના બાદ આ શહેરના 150 વર્ષ જૂના પુલને બંધ કરાયો

ડોલર સામે રૂપિયાની નબળાઈ

અરવિંદ કેજરીવાલે પ્રેસ કોન્ફરન્સમાં કહ્યું કે દિવાળીની રાત્રે પૂજા કરતી વખતે તેમના મગજમાં આ વિચાર આવ્યો. તેણે એમ પણ કહ્યું કે તેની ઘણા લોકો સાથે વાત થઈ છે અને કોઈને તેની સામે વાંધો ન હોવો જોઈએ. ડોલર સામે રૂપિયાની નબળાઈનો ઉલ્લેખ કરતા કેજરીવાલે કહ્યું કે પ્રયાસો ત્યારે સફળ થાય છે જ્યારે દેવી-દેવતાઓના આશીર્વાદ તેમની સાથે હોય છે.