PM મોદી દુનિયામાં જ્યાં પણ જાય છે તેમને સન્માન મળે છે, લોકશાહીના મૂળ મજબૂત છેઃ અશોક ગેહલોત
રાજસ્થાનના મુખ્યમંત્રી અશોક ગેહલોતે મંગળવારે વડાપ્રધાન નરેન્દ્ર મોદીના વખાણ કર્યા હતા. તેમણે કહ્યું કે મોદીનું આખી દુનિયામાં આદર થાય છે કારણ કે તેઓ એવા દેશના વડાપ્રધાન છે જ્યાં લોકશાહીના મૂળ મજબૂત છે અને જે દેશ મહાત્મા ગાંધીનો દેશ છે. બાંસવાડા નજીક માનગઢ ધામ ખાતે ‘માનગઢ ધામની ગૌરવ ગાથા’ કાર્યક્રમને સંબોધતા ગેહલોતે આ વાત કહી હતી. આ દરમિયાન વડાપ્રધાન મોદી પણ મંચ પર હાજર હતા. ગેહલોતે કહ્યું, ‘વડાપ્રધાન મોદી દુનિયાના દેશોમાં જાય છે, તો તેમને કેટલું સન્માન મળે છે. આવું કેમ થાય છે… કારણ કે નરેન્દ્ર મોદીજી એ દેશના વડાપ્રધાન છે જે ગાંધીનો દેશ છે, જ્યાં લોકશાહીના મૂળ મજબૂત, ઊંડા છે. 70 વર્ષ પછી પણ અહીં લોકશાહી જીવંત છે.
#WATCH | At 'Mangarh Dham ki Gaurav Gatha’, Raj CM Gehlot says, "…When PM Modi goes aborad, he receives great honour. Because he's PM of the nation of Gandhi, where democracy is deep-rooted. When world realises this, they feel proud that PM of that country is coming to them…" pic.twitter.com/Mi6HaqueRH
— ANI (@ANI) November 1, 2022
માનગઢની ટેકરી પર ભીલ સમાજની બહાદુરી
માનગઢની ટેકરીઓ ભીલ સમુદાય અને રાજસ્થાન, ગુજરાત અને મધ્યપ્રદેશની અન્ય જાતિઓ માટે વિશેષ મહત્વ ધરાવે છે. ભીલો અને અન્ય આદિવાસીઓએ સ્વતંત્રતા સંગ્રામ દરમિયાન અહીં લાંબા સમય સુધી અંગ્રેજો સામે લડત આપી હતી. 17 નવેમ્બર, 1913ના રોજ, સ્વાતંત્ર્ય સેનાની શ્રી ગોવિંદ ગુરુના નેતૃત્વમાં, માનગઢ ટેકરી પર 1.5 લાખથી વધુ ભીલોની સભા થઈ હતી. અંગ્રેજોએ આ મેળાવડા પર ગોળીબાર કર્યો, જેમાં લગભગ 1,500 આદિવાસીઓએ જીવ ગુમાવ્યો.
‘આદિવાસી સમાજના બલિદાનને ઇતિહાસમાં સ્થાન મળ્યું નથી’
પીએમ મોદીએ આજે બાંસવાડામાં માનગઢ ધામની મુલાકાત લીધી હતી. આ દરમિયાન તેમણે કાર્યક્રમને સંબોધતા કહ્યું કે, દુર્ભાગ્યે આદિવાસી સમાજના આ બલિદાનને ઈતિહાસમાં જે સ્થાન મળવું જોઈએ તે મળ્યું નથી. આજે દેશ એ ખાલીપો ભરી રહ્યો છે. ભારતનો ભૂતકાળ, ઇતિહાસ, વર્તમાન અને ભવિષ્ય આદિવાસી સમાજ વિના પૂર્ણ નથી. માનગઢમાં 17 નવેમ્બર, 1913ના રોજ થયેલો નરસંહાર અંગ્રેજ શાસનની ક્રૂરતાની પરાકાષ્ઠા હતી.બ્રિટિશ સરકારે દુનિયાની ગુલામીનો વિચાર કરીને માનગઢની આ ટેકરી પર 1500થી વધુ લોકોને ઘેરી લીધા હતા.
