AAP ના ઉમેદવારોની વધુ એક યાદી જાહેર, યુવરાજસિંહ અને મહિપતસિંહને આપી ટિકીટ
ગુજરાત વિધાનસભાની ચૂંટણી જેમ જેમ નજીક આવી રહી છે તેમ તેમ રાજકીય પક્ષો પણ પોતાની દોડ લગાવી રહ્યા છે. આ દિશામાં સૌથી સક્રિય એવી આમ આદમી પાર્ટીએ ગુજરાત વિધાનસભાની ચૂંટણીની તારીખો જાહેર થાય તે પહેલા જ ઉમેદવારોની આઠમી યાદી જાહેર કરી છે. જેમાં કુલ 22 ઉમેદવારોના નામની જાહેરાત કરવામાં આવી છે.
આમ આદમી પાર્ટી દ્વારા અત્યાર સુધીની 7 યાદીમાં AAP દ્વારા કુલ 86 ઉમેદવારોના નામની જાહેરાત કરવામાં આવી હતી, ત્યારે આજે વધુ 22 સાથે અત્યાર સુધીમાં કુલ 108 ઉમેદવારોના નામની જાહેરાત કરવામાં આવી છે. આજની યાદીમાં અમદાવાદની એલિસબ્રિજ, નારણપુરા, મણીનગર બેઠકો પરથી ઉમેદવારોના નામની જાહેરાત કરી છે. માતરમાં મહિપતસિંહ ચૌહાણ અને દહેગામ પર યુવરાજસિંહ જાડેજા આપમાંથી ચૂંટણી લડશે.
આ ઉપરાંત સૌરાષ્ટ્રમાં પણ લાઠી,ભાવનગર, અમરેલી, રાજુલા બેઠકના ઉમેદવારોના નામ જાહેર કર્યા છે. જ્યારે બીજી તરફ મધ્ય ગુજરાતમાં વડોદરા સીટી, ડભોઈ, ભરૂચની સાથે સાથે દ.ગુજરાતમાં નવસારી, કપરાડા, ધરમપુર વાંસદા બેઠક પરથી ઉમદેવારોના નામ જાહેર કર્યા છે. આ યાદી સાથે જ કુલ 108 ઉમેદવારોના નામ આપ દ્વારા જાહેર કરવામાં આવ્યા છે.
આ પણ વાંચો : રાજ્યમાં ચૂંટણી જાહેરાતમાં થઈ શકે છે વિલંબ, શું છે મુખ્ય કારણ ?
