હવે શરૂ થશે ખરો વર્લ્ડ કપઃ  જાણો સુપર-12 માં કઈ-કઈ ટીમો પહોંચી ! 

T20 વર્લ્ડ કપ 2022ની ક્વોલિફાઈંગ મેચો પૂરી થઈ ગઈ છે. છેલ્લી મેચ સ્કોટલેન્ડ અને ઝિમ્બાબ્વે વચ્ચે રમાઈ હતી. ઝિમ્બાબ્વેની ટીમે 5 વિકેટે જીત મેળવીને સુપર-12માં જગ્યા બનાવી લીધી છે. હવે સુપર-12ની મેચો 22 ઓક્ટોબરથી શરૂ થશે એટલે કે વિશ્વની ટોપ-12 ટીમો વર્લ્ડ કપ ટાઇટલ માટે લડશે.

આ પણ વાંચો : ભારત-પાકિસ્તાન મેચ રદ્દ થશે ?  જાણો શું છે કારણ ? 

 ઝિમ્બાબ્વેની ટીમે સ્કોટલેન્ડ સામે 5 વિકેટે જીત મેળવીને સુપર-12માં જગ્યા બનાવી

ક્વોલિફાઈંગ મેચની છેલ્લી મેચમાં પ્રથમ બેટિંગ કરતા સ્કોટલેન્ડની ટીમ 20 ઓવરમાં 6 વિકેટના નુકસાન પર 132 રન જ બનાવી શકી હતી. સ્કોટલેન્ડ તરફથી જ્યોર્જ મુન્સીએ સૌથી વધુ રન બનાવ્યા હતા. તેણે 51 બોલનો સામનો કર્યો અને 54 રન બનાવ્યા. તે જ સમયે, કેલમ મેકલિયોડે 26 બોલમાં 25 રન બનાવ્યા હતા. ઝિમ્બાબ્વે તરફથી તેન્ડાઈ ચતારા અને રિચર્ડ નાગરવાએ સૌથી વધુ 2-2 વિકેટ લીધી હતી. જવાબમાં ઝિમ્બાબ્વેની ટીમે 18.3 ઓવરમાં ટાર્ગેટ હાંસલ કરી લીધો હતો. ઝિમ્બાબ્વે તરફથી ક્રેગ એરવિને સૌથી વધુ રન બનાવ્યા હતા. તેણે 54 બોલમાં 58 રન બનાવ્યા હતા. આ ઉપરાંત  સિકંદર રઝાએ 23 બોલમાં 40 રન બનાવ્યા હતા.

હવે સુપર-12 મા કઈ-કઈ ટીમો છે ?   

ગ્રૂપ–A                            ગ્રૂપ–B

ઓસ્ટ્રેલિયા                        ભારત

ન્યુઝીલેન્ડ                          પાકિસ્તાન

ઈંગ્લેન્ડ                              દક્ષિણ આફ્રિકા

શ્રીલંકા                               બાંગ્લાદેશ

અફઘાનિસ્તાન                   નેધરલેન્ડ

આયર્લેન્ડ                           ઝિમ્બાબ્વે

શું હતું ગ્રૂપ-A અને ગ્રુપ-B નું ગણિત ?

નિયમો અનુસાર, ગ્રૂપ-Aમાં ટોચની ટીમને સુપર-12માં ગ્રૂપ ઓફ ડેથમાં એટલે કે ચેમ્પિયન ઓસ્ટ્રેલિયા સાથેના ગ્રૂપમાં જવું પડતું હતું. તે જ સમયે, જે ટીમ ગ્રુપ-Aમાં બીજા સ્થાને રહેશે તેને ભારતના ગ્રુપમાં એન્ટ્રી મળશે. આવી સ્થિતિમાં શ્રીલંકાની ટીમ સુપર-12 રાઉન્ડના ગ્રુપ-A  અને નેધરલેન્ડ સુપર-12 રાઉન્ડના ગ્રુપ-B માં પહોંચી ગઈ છે. ક્વોલિફાઈંગ રાઉન્ડમાંથી વધુ બે ટીમોએ સુપર-12માં પહોંચવું પડશે. જેનો આજે નિર્ણય લેવાય ગયો છે. ક્વોલિફાઈંગ રાઉન્ડના ગ્રુપ બીમાં વેસ્ટ ઈન્ડિઝનો મુકાબલો આયર્લેન્ડ હતો જેમાં આયર્લેન્ડે  બે વખતની વર્લ્ડ ચેમ્પિયન રહેલી વેસ્ટ ઈન્ડિઝને હરાવ્યું હતું, જ્યારે સ્કોટલેન્ડનો મુકાબલો ઝિમ્બાબ્વે સામે હતો, જેમાં ઝિમ્બાબ્વેની ટીમે સ્કોટલેન્ડ સામે 5 વિકેટે જીત મેળવીને સુપર-12માં જગ્યા બનાવી લીધી છે. આ બે મેચમાંથી વિજેતા ટીમ સુપર-12 માટે ક્વોલિફાય થઈ ગઈ છે.

ભારત સુપર-12ના ગ્રુપ-B માં છે. ભારતીય ટીમ બાંગ્લાદેશ, પાકિસ્તાન, દક્ષિણ આફ્રિકા, નેધરલેન્ડ અને ઝિમ્બાબ્વે સામે રમશે. તે જ સમયે, અફઘાનિસ્તાન, ઓસ્ટ્રેલિયા, ઈંગ્લેન્ડ, ન્યુઝીલેન્ડ, શ્રીલંકા અને આયર્લેન્ડની ટીમો ગ્રુપ-A માં એકબીજા સામે ટકરાશે.