વડોદરા નજીક હાઈવે પર બસ અને ટ્રક વચ્ચે અકસ્માત, 6 લોકોના મોત
તહેવારોની શરૂઆત સાથે જ અકસ્માતની ઘટના વધી છે. જેમાં નેશનલ હાઈવે પર વડોદરામાં કપુરાઈ બ્રિજ પાસે ગમખ્વાર અકસ્માત થયો છે. ટ્રક અને ખાનગી બસ વચ્ચે થયેલા અકસ્માતમાં 6 લોકોના મોત નિપજ્યા છે. મળતી માહિતી મુજબ અમદાવાદથી સુરત જઈ રહેલી આ બસને અકસ્માત નડ્યો હતો. નેશનલ હાઈવે પર ઉભેલી ટ્રકમાં ખાનગી બસ ઘૂસી જતા આ અકસ્માત થયો હતો.
આ પણ વાંચો : પાલનપુર : ડીસામાં ઓવરબ્રિજના ડિવાઈડર સાથે ટ્રક અથડાતા ચાલકનું મોત
અકસ્માતમાં 5 મુસાફર અને ડ્રાઈવરનું મોત થયુ છે. તો આ ગંભીર અકસ્માતમાં 19 મુસાફરો ઈજાગ્રસ્ત થયા છે. અકસ્માત બાદ ટ્રક ડ્રાઈવર ટ્રક લઈને ભાગી ગયો છે. જેને લઈને પોલીસે ફરાર ટ્રક ચાલક સામે ગુનો દાખલ કરીને કાયદેસરની કાર્યવાહી હાથ ધરી છે.
આ ટ્રકમાં ઘઉં ભરેલા હતા. અકસ્માત બાદ લક્ઝરી બસની સ્થિતિ એટલી ખરાબ હતી કે, બસના પતરા કાપીને ઈજાગ્રસ્તોને બહાર કાઢવામાં આવ્યા હતા.
હાઇવે પર રફ ડ્રાઇવિંગ કરતા બસ ચાલકો અંગે વારંવાર ફરિયાદ થઇ છે. થતાં કોઈ પગલા લેવાતા નથી. હાઈવે પર અનેક વાહનચાલકો બેફાન વાહનો હંકારતા હોય છે જેને પગલે આવા અકસ્માતો સર્જાતા રહે છે.
