ભાજપના નેતા સુબ્રમણ્યમ સ્વામી દ્વારા દાખલ કરાયેલા કેસમાં સુપ્રીમ કોર્ટે RBI અને CBIને નોટિસ પાઠવી છે. સુબ્રમણ્યમ સ્વામીએ સુપ્રીમ કોર્ટમાં અરજી કરી હતી. જેમાં બેંક લોન ફ્રોડ કેસમાં RBIના નિયુક્ત ડિરેક્ટરની કથિત ભૂમિકાની CBI તપાસની માંગ કરવામાં આવી હતી.
Supreme Court issues notice to Reserve Bank of India (RBI) and Central Bureau of Investigation (CBI) on a plea filed by BJP member Subramanian Swamy seeking a CBI probe into the alleged role of RBI's nominee director in bank loan fraud cases.
— ANI (@ANI) October 17, 2022
BJPના વરિષ્ઠ નેતા સુબ્રમણ્યમ સ્વામીએ સુપ્રીમ કોર્ટમાં અરજી કરી છે. જેમાં બેંક કૌભાંડોમાં કથિત સંડોવણી બદલ રિઝર્વ બેંક ઓફ ઈન્ડિયાના અધિકારીઓ સામે ઉચ્ચ સ્તરીય તપાસની માંગ કરવામાં આવી છે. તેમણે સેન્ટ્રલ બ્યુરો ઑફ ઇન્વેસ્ટિગેશન અથવા અન્ય કોઈ સક્ષમ અધિકારી દ્વારા તપાસની માંગ કરી હતી.
ગયા વર્ષે એડવોકેટ એમઆર વેંકટેશ અને એડવોકેટ સત્યપાલ સભરવાલ દ્વારા દાખલ કરવામાં આવેલી પીઆઈએલમાં જણાવ્યું હતું કે છેલ્લા કેટલાક વર્ષોમાં બેંક છેતરપિંડીના ઘણા કિસ્સાઓ સામે આવ્યા છે, પરંતુ RBIના કોઈપણ અધિકારી દ્વારા કોઈ પણ કૌભાંડને શોધી કાઢવામાં નિષ્ફળતા માટે તેમને જવાબદાર ગણવામાં આવ્યા નથી.
જસ્ટિસ બીઆર ગવઈ અને બીવી નાગરથનાની બેન્ચે સેન્ટ્રલ બ્યુરો ઑફ ઈન્વેસ્ટિગેશન અને રિઝર્વ બૅન્ક ઑફ ઈન્ડિયાને નોટિસ જારી કરીને સ્વામીની અરજી પર તેમનો જવાબ માંગ્યો હતો. બેન્ચે કહ્યું, ‘અમે વિચાર કરીશું. નોટિસ જારી કરો.’
સ્વામીએ અરજીમાં જણાવ્યું હતું કે, “આ કૌભાંડો આરબીઆઈના અધિકારીઓની મિલીભગતને કારણે થયા છે, જેઓ વિવિધ કાયદા હેઠળ પર્યાપ્ત સત્તા સાથે આ કૌભાંડોને રોકવામાં નિષ્ફળ રહ્યા છે.” ભાજપના વરિષ્ઠ નેતાએ તેમની અરજીમાં આરોપ લગાવ્યો છે કે કિંગફિશર, બેંક ઓફ મહારાષ્ટ્ર અને યસ બેંક જેવી વિવિધ સંસ્થાઓને સંડોવતા કૌભાંડોમાં આરબીઆઈ અધિકારીઓની સંડોવણીની તપાસ કરવામાં આવી નથી.
અરજીમાં એવો પણ આક્ષેપ કરવામાં આવ્યો છે કે આરબીઆઈના અધિકારીઓએ રિઝર્વ બેંક ઓફ ઈન્ડિયા એક્ટ, બેંકિંગ રેગ્યુલેશન એક્ટ અને સ્ટેટ બેંક ઓફ ઈન્ડિયા એક્ટ સહિતના કાયદાઓનું સીધું ઉલ્લંઘન કરીને પ્રત્યક્ષ સક્રિય સહયોગથી કામ કર્યું હતું.
