દેશમાં હાલમાં કોરોના નિયંત્રણમાં છે તેમજ સરકારનો કોવિડ રસીકરણ કાર્યક્રમ પણ તેના અંતિમ તબક્કામાં છે. આ દરમિયાન કેન્દ્ર સરકારે પણ કોરોના રસીની વધુ ખરીદીને લઈને મોટો નિર્ણય લીધો છે. કેન્દ્રીય સ્વાસ્થ્ય મંત્રાલયના સૂત્રો પાસેથી મળેલી માહિતી અનુસાર, મંત્રાલયે 2022-23ના બજેટમાં રસીકરણ માટે ફાળવવામાં આવેલા બજેટમાંથી 4237 કરોડ રૂપિયા નાણાં મંત્રાલયને પરત કર્યા છે.
રસીના વપરાશમાં ઘટાડો, હાલનો સ્ટોક છ મહિના ચાલશે
માહિતી અનુસાર, કેન્દ્ર અને રાજ્ય સરકારો પાસે હજુ પણ કોરોના રસીના 1.8 કરોડથી વધુ ડોઝ ઉપલબ્ધ છે. સૂત્રોએ જણાવ્યું કે કોવિડના કેસોમાં સતત ઘટાડો થઈ રહ્યો હોવાથી રસીના વપરાશમાં પણ ઘટાડો થયો છે. તેથી હાલનો સ્ટોક લગભગ છ મહિના સુધી રસીકરણ અભિયાન ચાલુ રાખવા માટે પૂરતો છે. આ સિવાય સરકારનો સ્ટોક ખતમ થઈ ગયા પછી પણ કોવિડની રસી બજારમાં ઉપલબ્ધ થશે. સરકાર દ્વારા કોવિડ રસીના ડોઝ મેળવવા માટે છ મહિના પછી (નવી) બજેટ ફાળવણી મેળવવાનો કોઈપણ નિર્ણય તે સમયે દેશમાં પ્રવર્તમાન કોરોનાવાયરસ પરિસ્થિતિ પર નિર્ભર રહેશે.
98 ટકાએ પહેલો અને 92 ટકાએ રસીનો બીજો ડોઝ મેળવ્યો
