‘યે રિશ્તા ક્યા કહેલાતા હૈ’ ની અભિનેત્રી વૈશાલી ઠક્કરેએ કરી આત્મહત્યા…

ટીવી ઈન્ડસ્ટ્રીમાંથી વધુ એક દુખદ સમાચાર સામે આવી રહ્યા છે. ટીવી અભિનેત્રી વૈશાલી ઠક્કર હવે આપણી વચ્ચે નથી રહી. અહેવાલો અનુસાર વૈશાલી ઠક્કરે આત્મહત્યા કરી લીધી છે. અભિનેત્રીનો મૃતદેહ ઈન્દોરમાં તેમના ઘરેથી મળી આવ્યા છે. આ માહિતી પોલીસ દ્વારા આપવામાં આવી છે. પોલીસને વૈશાલીના ઘરેથી એક સુસાઈડ નોટ પણ મળી આવી હતી. વૈશાલીએ ટીવી સીરિયલ ‘યે રિશ્તા ક્યા કહેલાતા હૈ’માં સંજનાનું પાત્ર ભજવ્યું હતું. આ શો પછી તે ‘યે વાદા રહા’, ‘યે હૈ આશિકી’, ‘સસુરાલ સિમર કા’, ‘સુપર સિસ્ટર’, ‘લાલ ઇશ્ક’ અને ‘વિશ ઔર અમૃત’માં જોવા મળી હતી.

આત્મહત્યાનું કારણ પ્રેમ સંબંધમાં ચાલી રહેલી સમસ્યાઓ બની શકે છે

વૈશાલી ઠક્કરે ઈન્દોરના સાંઈ બાગમાં પોતાના ઘરે ગળેફાંસો ખાઈ લીધો હતો. સ્થાનિક પોલીસ ઘટના સ્થળે પહોંચી અને વૈશાલીના મૃતદેહની નજીકથી એક સુસાઈડ નોટ મળી. પ્રાથમિક તપાસમાં પ્રેમ પ્રકરણના કારણે આપઘાત કર્યાની આશંકાથી પોલીસે આ એંગલથી તપાસ શરૂ કરી છે. વૈશાલીએ સુસાઈડ નોટમાં શું લખ્યું છે તેની માહિતી બહાર આવી નથી.

સ્ટાર પ્લસના શો થી લોકપ્રિયતા મળી

વૈશાલી ઠક્કરે તેની અભિનય કારકિર્દી સ્ટાર પ્લસના શો “યે રિશ્તા ક્યા કહેલાતા હૈ”થી શરૂ કરી હતી. આ શોમાં વૈશાલીએ સંજનાની ભૂમિકા ભજવી હતી. આ પછી વૈશાલી યે વાદા રહા, યે હૈ આશિકી, સસુરાલ સિમર કા, સુપર સિસ્ટર, લાલ ઈશ્ક અને વિશ અને અમૃત જેવા ઘણા ટીવી શોમાં જોવા મળી છે.

TV actress # Vaishali Thakkar commits suicide by hanging herself in Indore. #Vaishalithakkar #VaishaliThakkar pic.twitter.com/fwhXoK4s2a

— Samarth Singh (@Samarth63807150) October 16, 2022

સુસરલ સિમર કા 2 માં અંજલિ ભારદ્વાજની ભૂમિકા ભજવવા માટે તેણીને નકારાત્મક ભૂમિકામાં શ્રેષ્ઠ અભિનેત્રીનો ગોલ્ડન પેટલ એવોર્ડ પણ મળ્યો છે. વૈશાલી છેલ્લે 2019 ના શો મનમોહિનીમાં જોવા મળી હતી.

This Is Really Shocking????
TV actress #VaishaliThakkar commits suicide in Indore
May Her Soul Rest In ☮️ Peace #Vaishali #RIPVaishaliThakkar pic.twitter.com/BZcVGnA7mu

— Journalist Himanshu Soni (@Vishusoni02) October 16, 2022

જણાવી દઈએ કે વૈશાલી ઉજ્જૈન શહેરના મહિદપુરની રહેવાસી છે, જે છેલ્લા એક વર્ષથી ઈન્દોરમાં રહે છે.