જનસેના પાર્ટીના પ્રમુખ અને સુપરસ્ટાર પવન કલ્યાણના 100થી વધુ સમર્થકોની પોલીસે ધરપકડ કરી છે. તેમજ કલમ 307 હેઠળ 15 લોકો સામે કેસ નોંધવામાં આવ્યો છે. તે જ સમયે પવન કલ્યાણે એવો પણ આરોપ લગાવ્યો છે કે શનિવારે મધરાતે પોલીસ હોટલમાં આવી અને તેના રૂમનો દરવાજો તોડી નાખ્યો. વાસ્તવમાં પાર્ટી ચીફને રિસીવ કર્યા બાદ શનિવારે જેએસપીના સમર્થકો વિશાખાપટ્ટનમ ઇન્ટરનેશનલ એરપોર્ટ પર એકઠા થયા હતા. આરોપ છે કે આ લોકોએ તિરુમાલા તિરુપતિ દેવસ્થાનમ (TTD)ના પ્રમુખ સુબ્બા રેડ્ડી અને મંત્રીઓ રોજા અને જોગી રમેશની કાર પર પથ્થરમારો કર્યો હતો. આ સાથે આ લોકોએ એરપોર્ટ પર સૂત્રોચ્ચાર પણ કર્યા હતા.
Police arrested over 100 JSP (JanaSena Party) supporters & filed 307 cases against 15 members who asked for permission for Jana Vani program. On Saturday midnight,Police came to my hotel room & banged on my door: JanaSena Party chief Pawan Kalyan, in Visakhapatnam, Andhra Pradesh pic.twitter.com/LMzs5seRwZ
— ANI (@ANI) October 16, 2022
3 પાટનગરને લગતી બાબતે હોબાળો
અહેવાલો અનુસાર, યુવાજન શ્રમિક રાયથુ કોંગ્રેસ પાર્ટી (YSRCP) ના ટોચના નેતાઓ અને મંત્રીઓ ‘વિશાખા ગર્જના’ કાર્યક્રમને સમાપ્ત કર્યા પછી એરપોર્ટ પર જઈ રહ્યા હતા. બપોર સુધી ભારે વરસાદના કારણે તેમને કાર્યક્રમ છોડવામાં ઘણો વિલંબ થયો હતો. ત્રણ રાજધાનીઓની માંગના સમર્થનમાં આ કાર્યક્રમનું આયોજન કરવામાં આવ્યું હતું. જેએસપી સમર્થકોએ તેમને જોઈને હંગામો શરૂ કર્યો હતો. થોડા સમય બાદ તેઓ પુલ પરથી વિખેરાઈ ગયા હતા.
તમને જણાવી દઈએ કે પવને પોતાની દમદાર એક્ટિંગ અને ઘણી શાનદાર ફિલ્મોથી ‘પાવર સ્ટાર’નું ટૅગ જીતી લીધું છે. પવન કલ્યાણનું સાચું નામ કોનિડેલા કલ્યાણ બાબુ છે અને તે સાઉથના મેગાસ્ટાર ચિરંજીવીના નાના ભાઈ છે. પવન કલ્યાણે માત્ર સિને જગતમાં જ નહીં પરંતુ રાજકીય જગતમાં પણ ઘણી પ્રશંસા મેળવી છે.
આ પણ વાંચો : ચારેય મરી જઈશું… ફેસબુક લાઈવ કરી 230ની ઝડપે દોડાવી BMW, સામે આવ્યો મોતનો ખતરના વીડિયો
