ઈરાકના નવા રાષ્ટ્રપતિ તરીકે અબ્દુલ લતીફ રાશિદ ચૂંટાયા, હવે નવી સરકારની રાહ આસાન થઈ

ઈરાકની સંસદે કુર્દિશ રાજકારણી અબ્દુલ લતીફ રાશિદને રાષ્ટ્રપતિ તરીકે ચૂંટ્યા છે. નવા રાષ્ટ્રપતિની પસંદગીને લઈને ઈરાકમાં છેલ્લા એક વર્ષથી મડાગાંઠ ચાલી રહી હતી. મળતી માહિતી મુજબ, 78 વર્ષીય અબ્દુલ લતીફ રાશિદ હવે નવી સરકારની રચનામાં ભૂમિકા નિભાવશે. ઇરાકી કાયદા અનુસાર, ધારાસભ્યોએ વડાપ્રધાન માટે નોમિનીને મત આપતા પહેલા રાષ્ટ્રપતિની પસંદગી કરવી આવશ્યક છે. નવા ચૂંટાયેલા રાશિદ હાલના રાષ્ટ્રપતિ બરહમ સાલીહનું સ્થાન લેશે, જેઓ ચાર વર્ષથી ઈરાકના પ્રમુખપદે રહ્યા છે.

રાશીદ અગાઉ સરકારમાં પણ જવાબદારી નિભાવી ચુક્યા છે

જણાવવામાં આવી રહ્યું છે કે રાશિદે એન્જિનિયરિંગનો અભ્યાસ કર્યો છે. આ પહેલા તેઓ ઈરાકના જળ સંસાધન મંત્રી પણ હતા. તેમણે 2003 થી 2010 સુધી આ જવાબદારી નિભાવી હતી. રાશીદ પાસે સરકાર બનાવવા માટે સૌથી મોટા સંસદીય જૂથના ઉમેદવારને આમંત્રણ આપવા માટે 15 દિવસનો સમય છે. અગાઉ, ઇરાકમાં રાજકીય સંકટને ઉકેલવા માટે બહુપ્રતિક્ષિત સત્ર પહેલા ‘ગ્રીન ઝોન’માં ગુરુવારે સંસદ પર નવ રોકેટ છોડવામાં આવ્યા હતા. ઈરાકી સેનાએ દાવો કર્યો હતો કે આ વિસ્તારને કિલ્લામાં ફેરવી દેવામાં આવ્યો છે. સુરક્ષા વ્યવસ્થા ચુસ્ત હતી. આ માહિતી આપી છે.

રાષ્ટ્રપતિની ચૂંટણીને શા માટે એક મહત્વપૂર્ણ પગલું માનવામાં આવતું હતું ?

રાષ્ટ્રપતિની ચૂંટણી માટે સંસદનું સત્ર રોકેટ હુમલાના કારણે વિલંબિત થયું હતું. ઈરાકમાં ફેડરલ ચૂંટણી બાદ લગભગ એક વર્ષ સુધી સરકાર બની શકી નથી. આ મુદ્દાને ઉકેલવા માટે રાષ્ટ્રપતિની ચૂંટણીને એક મહત્વપૂર્ણ પગલું માનવામાં આવતું હતું. કહેવામાં આવી રહ્યું છે કે હુમલામાં ઓછામાં ઓછા 10 લોકો ઘાયલ થયા છે, જેમાં ત્રણ નાગરિકો અને બે સૈન્ય જવાનોનો સમાવેશ થાય છે. કોઓર્ડિનેશન ફ્રેમવર્કને અનુસરીને હુમલા કરવામાં આવ્યા હતા. આનો હેતુ સત્રમાં વિક્ષેપ પાડવાનો હોઈ શકે છે.