શાહરૂખાનના પુત્ર આર્યનને મળ્યો પહેલો બ્રેક

શાહરૂખ ખાનનો પુત્ર આર્યન ખાન અવાર-નવાર ચર્ચામાં રહે છે. તેની કારકિર્દીને લઈને પણ ઘણી અટકળો થઈ રહી છે. શાહરૂખના ચાહકો ખાસ કરીને આર્યનના ડેબ્યૂને લઈને ઉત્સાહિત છે. તે બિલકુલ શાહરૂખના પડછાયા જેવો દેખાય છે. હાલમાં જ તેનું એક શાનદાર ફોટોશૂટ વાયરલ થયું હતું. આમાં તે તેના સુપરસ્ટાર પિતાની જેમ ખૂબ જ ડેશિંગ દેખાઈ રહ્યો હતો.

અત્યારે તે શાહરૂખની જેમ અભિનયની દુનિયામાં પગ મૂકશે કે નહીં, તેના વિશે સ્પષ્ટપણે કશું કહી શકાય નહીં. પરંતુ તેને લખવામાં રસ છે અને તેને લેખક તરીકે ઈન્ડસ્ટ્રીમાં બ્રેક મળ્યો છે.

લેખક તરીકે આર્યનને પહેલો પ્રોજેક્ટ મળ્યો

શાહરૂખના પુત્ર આર્યનને લેખક તરીકે તેનો પહેલો પ્રોજેક્ટ મળ્યો છે. આ એક વેબ સિરીઝ હશે. લેટેસ્ટ અપડેટ એ છે કે વેબ સિરીઝ માટે કાસ્ટિંગ શરૂ થઈ ગયું છે. તેનું ટાઈટલ હજુ ફાઈનલ થયું નથી. પરંતુ, રાઈટર તરીકે ફાઈનલ થયા બાદ હવે આર્યન સ્ક્રીપ્ટ મુજબ તેનું કાસ્ટિંગ કરશે.

વેબ સિરીઝ સાથે જોડાયેલા એક સૂત્રએ જણાવ્યું કે ઘણા કલાકારોએ વેબ સિરીઝ માટે ઓડિશન આપ્યા છે. જો કે હજુ સુધી કોઈનું નામ ફાઈનલ થયું નથી. એવું પણ કહેવામાં આવ્યું હતું કે જે રીતે કામ ચાલી રહ્યું છે તે મુજબ આ વર્ષના અંત સુધીમાં વેબ સિરીઝ ફ્લોર પર જશે.

વેબ સિરીઝ ફિલ્મ ઈન્ડસ્ટ્રી પર આધારિત હશે

વેબ સીરિઝ વિશે એવું પણ જાણવા મળ્યું છે કે તે ફિલ્મ ઈન્ડસ્ટ્રી પર આધારિત હશે. લેખક બિલાલ સિદ્દીકી આર્યન સાથે પ્રોજેક્ટ પર કામ કરી રહ્યા છે. તે નેટફ્લિક્સ શો ‘બાર્ડ ઓફ બ્લડ’ના કો-રાઈટર પણ રહી ચૂક્યા છે. આ વર્ષની શરૂઆતમાં એવા અહેવાલ પણ આવ્યા હતા કે આર્યનએ મુંબઈના એક સ્ટુડિયોમાં શો માટે ટેસ્ટ શૂટનું આયોજન કર્યું હતું. એવી અટકળો છે કે ફિલ્મ ‘Jersey’માં જોવા મળેલ પ્રીત કમાણી આ વેબ સિરીઝમાં જોવા મળી શકે છે.

આર્યનને અભિનય કરતા દિગ્દર્શન-લેખનમાં વધુ રસ: શાહરૂખ

શાહરૂખ ખાને તેના ઘણા ઇન્ટરવ્યુમાં કહ્યું છે કે આર્યનની રુચિ અભિનય કરતાં વધુ દિગ્દર્શન અને લેખનમાં છે. તે ઘણા વર્ષોથી આ પર કામ કરી રહ્યો છે. તેણે ફિલ્મમેકર બનવા માટે યુનિવર્સિટી ઓફ કેલિફોર્નિયામાંથી અભ્યાસ કર્યો છે અને હવે તે પોતાની કારકિર્દી તરફ આગળ વધી રહ્યો છે. જો કે ચાહકો તેને તેના પિતાની જેમ અભિનયની દુનિયામાં જોવા માંગે છે, પરંતુ એક લેખક તરીકે તેની કુશળતા જોઈને તે ચોક્કસપણે ઉત્સાહિત હશે.