પાલનપુર : ડીસા નગરપાલિકા પાલિકાના ચીફ ઓફિસરની બદલી

પાલનપુર : રાજ્યના શહેરી વિકાસ અને શહેરી ગૃહ નિર્માણ વિભાગ દ્વારા રાજ્યના ચીફ ઓફિસરોના બદલીના આદેશ કરવામાં આવ્યા છે. જેમાં બનાસકાંઠા જિલ્લાની છ નગરપાલિકા પૈકી ત્રણ નગરપાલિકાના ચીફ ઓફિસરની વિધાનસભાની ચૂંટણી અગાઉ જ બદલીઓ કરવામાં આવી છે. જેમાં ડીસા પાલિકામાં ચીફ ઓફિસર તરીકે ફરજ બજાવતા ઉપેન્દ્રકુમાર પબુદાન ગઢવીની સિક્કા પાલિકામાં બદલી કરવામાં આવી છે.

જ્યારે ભાભર નગરપાલિકાના ચીફ ઓફિસર કુમારી વૈશાલીબેન રાજેન્દ્રભાઈ નિનામાને ડીસા પાલિકામાં મુકવામાં આવ્યા છે. તો જિલ્લાના વહીવટી મથક પાલનપુર નગરપાલિકાના ચીફ ઓફિસર ગૌરાંગ સી. પટેલને દેવગઢબારિયા અને પાટણ પાલિકાના ચીફ ઓફિસર પંકજ આઈ. બારોટની બદલી પાલનપુર નગરપાલિકામાં કરવામાં આવી છે. પંકજ બારોટ અગાઉ પાલનપુર નગરપાલિકાના ચીફ ઓફિસર તરીકે રહી ચૂક્યા છે. તેઓ ફરીથી ચીફ ઓફિસર તરીકે મુકાયા છે.

આ પણ વાંચો : સુરતમાં મોટી દુર્ઘટના, લિફ્ટ તૂટી પડતા 9 મજૂરો નીચે પટકાતા 1 નું મોત, 8 ઈજાગ્રસ્ત