મહારાષ્ટ્રના પૂર્વ મંત્રી અનિલ દેશમુખને મની લોન્ડરીંગ કેસમાં મળ્યા જામીન પણ …

બોમ્બે હાઈકોર્ટે મહારાષ્ટ્રના પૂર્વ મંત્રી અનિલ દેશમુખને મની લોન્ડરિંગ કેસમાં જામીન આપ્યા છે. એક લાખ રૂપિયાના બોન્ડ પર જામીન આપવામાં આવ્યા છે. જો કે, આ જામીન EDના કેસમાં આપવામાં આવ્યા છે, તેથી હવે CBIના કેસમાં તેણે હાલ પૂરતું જેલમાં જ રહેવું પડશે.

આ પણ વાંચો : જામનગરમાંથી ઝડપાયું 10 કિલો MD ડ્રગ્સ, એકની ધરપકડ

નવેમ્બર 2021 થી જેલમાં બંધ છે દેશમુખ

ઉલ્લેખનીય છે કે, EDની તપાસ બાદ નવેમ્બર 2021માં દેશમુખની ધરપકડ કરવામાં આવી હતી. ત્યારબાદથી તે ન્યાયિક કસ્ટડીમાં છે. EDએ અનિલ દેશમુખ સામે ખંડણીનો આરોપ લગાવતા કેસ નોંધ્યો હતો. ED અનુસાર, દેશમુખે મુંબઈના વિવિધ બાર અને રેસ્ટોરન્ટમાંથી આશરે રૂ. 4.7 કરોડ એકત્ર કર્યા હતા. આ સાથે એવો આરોપ છે કે દેશમુખે નાગપુરની શ્રી સાંઈ એજ્યુકેશનલ ઈન્સ્ટિટ્યૂટને ખોટી રીતે કમાણી કરી હતી, જે તેમના પરિવાર દ્વારા નિયંત્રિત શૈક્ષણિક ટ્રસ્ટ છે.

આ પણ વાંચો :  એડીશનલ કમિશ્નર IRS અધિકારી લાંચ લેતાં ઝડપાયા : ACBની પકડમાંથી ધક્કામુક્કી કરી નાસી ગયાં

દેશમુખ પર છેડતીનો આરોપ પણ હતો

ઉલ્લેખનીય છે કે મુંબઈના ભૂતપૂર્વ પોલીસ કમિશનર પરમબીર સિંહે ગયા વર્ષે માર્ચમાં આરોપ લગાવ્યો હતો કે તે સમયે રાજ્યના ગૃહમંત્રી રહેલા દેશમુખે પોલીસ અધિકારીઓને શહેરમાં રેસ્ટોરાં અને બારમાંથી દર મહિને 100 કરોડ રૂપિયા એકત્ર કરવાનો ટાર્ગેટ આપ્યો હતો. દેશમુખે આરોપોને નકારી કાઢ્યા હતા, પરંતુ બોમ્બે હાઈકોર્ટે સીબીઆઈને તેમની સામે કેસ નોંધવાનો નિર્દેશ આપ્યા બાદ તેમના પદ પરથી રાજીનામું આપ્યું હતું.