ભારતીય ઝડપી બોલર જસપ્રીત બુમરાહ પીઠની ઈજાને કારણે ઓસ્ટ્રેલિયામાં યોજાનાર T20 વર્લ્ડ કપમાંથી બહાર થઈ ગયો છે. ભારતીય ક્રિકેટ બોર્ડ (BCCI) એ સોમવારે આ જાહેરાત કરી. બુમરાહ ઈજાના કારણે ઈન્ટરનેશનલ ક્રિકેટ કાઉન્સિલ (ICC)ની આ સ્પર્ધામાં રમી શકશે નહીં. આ મેગા ઈવેન્ટમાંથી બહાર થયા બાદ હવે જસપ્રીત બુમરાહનું નિવેદન સામે આવ્યું છે. તેણે મંગળવારે ટ્વીટ કરીને વર્લ્ડ કપમાંથી બહાર થવા અંગે પોતાના મનની વાત શેર કરી છે.
I am gutted that I won’t be a part of the T20 World Cup this time, but thankful for the wishes, care and support I’ve received from my loved ones. As I recover, I’ll be cheering on the team through their campaign in Australia ???????? pic.twitter.com/XjHJrilW0d
— Jasprit Bumrah (@Jaspritbumrah93) October 4, 2022
બુમરાહે ટ્વીટ કર્યું, “મને દુઃખ છે કે હું આ વખતે T20 વર્લ્ડ કપનો ભાગ નહીં બની શકું, પરંતુ મારા ખાસ લોકો તરફથી મળેલી શુભેચ્છાઓ, સંભાળ અને સમર્થન માટે હું આભારી છું. જેમ જેમ હું સાજો થઈશ તેમ તેમ ઓસ્ટ્રેલિયામાં ટીમના અભિયાનને સમર્થન આપીશ.
બુમરાહની ગેરહાજરી ચોક્કસપણે ઓસ્ટ્રેલિયામાં ભારતની સંભાવનાઓને અસર કરશે કારણ કે ડેથ ઓવરની બોલિંગ અત્યારે ટીમ માટે સૌથી મોટી ચિંતા છે. ફાસ્ટ બોલરની નેશનલ ક્રિકેટ એકેડમીમાં સારવાર ચાલી રહી છે અને BCCI તેના મેડિકલ રિપોર્ટની રાહ જોઈ રહ્યું હતું પરંતુ તે નિશ્ચિત હતું કે તે આગામી કેટલાક મહિનાઓ સુધી ક્રિકેટ રમી શકશે નહીં. BCCIએ હજુ સુધી T20 વર્લ્ડ કપ માટે બુમરાહના સ્થાને કોઈ ખેલાડીની પસંદગી કરી નથી, પરંતુ મોહમ્મદ શમી અને દીપક ચહરમાંથી કોઈ એકને ટીમમાં સ્થાન મળી શકે છે. જમ્મુ-કાશ્મીરના ઝડપી બોલર ઉમરાન વાલીને સ્ટેન્ડબાય ખેલાડીઓની યાદીમાં રાખવામાં આવી શકે છે.
આ પણ વાંચો : અમેરિકામાં અપહરણની ઘટનાથી હડકંપ, 8 મહિનાની બાળકી સહિત 4 ભારતીય મૂળના લોકોનું અપહરણ
