સુપ્રીમ કોર્ટે કોઈપણ મુદ્દા પર પોલીસ તરફથી વ્યક્તિની અટકાયતને વ્યક્તિગત સ્વતંત્રતા પર ગંભીર હુમલો ગણાવ્યો છે. કોર્ટે શુક્રવારે કહ્યું હતું કે નિવારક અટકાયત એ વ્યક્તિની સ્વતંત્રતા પર ગંભીર હુમલો છે અને તેથી બંધારણમાં આપવામાં આવેલ રક્ષણ અને આવી કાર્યવાહીને અધિકૃત કરતો કાયદો અત્યંત મહત્ત્વપૂર્ણ છે અને તેનું કડકપણે પાલન કરવું જોઈએ.
ચીફ જસ્ટિસ ઉદય ઉમેશ લલિત, જસ્ટિસ એસ. રવિન્દ્ર ભટ અને જસ્ટિસ જેબી પારડીવાલાની બેન્ચે 12 નવેમ્બર, 2021ના રોજ ત્રિપુરા સરકાર દ્વારા પસાર કરવામાં આવેલા નિવારક અટકાયતના આદેશને બાજુ પર રાખીને આ ટિપ્પણી કરી હતી. બેન્ચે ગેરકાયદેસર હેરફેર અટકાવવા સંબંધિત નાર્કોટિક ડ્રગ્સ એન્ડ સાયકોટ્રોપિક સબસ્ટન્સ એક્ટ હેઠળ ગુનાના આરોપીને તાત્કાલિક અસરથી મુક્ત કરવાનો નિર્દેશ પણ આપ્યો હતો.
અધિકારીઓ માટે આંખો ખુલ્લી રાખવી ખૂબ જ જરૂરી
કોર્ટે અવલોકન કર્યું કે નિવારક અટકાયતના હેતુના સંદર્ભમાં, અટકાયત કરનારા અધિકારીઓ તેમજ સેવા આપતા અધિકારીઓ માટે સતર્ક રહેવું અને તેમની આંખો ખુલ્લી રાખવી ખૂબ જ મહત્વપૂર્ણ છે. સુપ્રીમ કોર્ટે કહ્યું કે અટકાયતનો આદેશ નવેમ્બર 12, 2021 નો છે અને અટકાયત સત્તાને નિવારક અટકાયતનો આદેશ પસાર કરવામાં લગભગ પાંચ મહિના કેમ લાગ્યા તે અંગે કોઈ સ્પષ્ટતા નથી.
શું હતો મામલો?
હકીકતમાં, આરોપી સુશાંત કુમાર બનિકે રાજ્ય સરકાર દ્વારા પસાર કરાયેલ કસ્ટડીના આદેશ સામેની તેમની અરજીને ફગાવી દેતા ત્રિપુરા હાઈકોર્ટના આદેશને પડકારતી સુપ્રીમ કોર્ટમાં દાખલ થઈ હતી. જે બાદ શુક્રવારે સુપ્રીમ કોર્ટે આ મામલાની સુનાવણી કરતા આ તીખી ટિપ્પણી કરી હતી.
આ પણ વાંચો : કોંગ્રેસ અધ્યક્ષના પદ માટે ત્રિકોણીય જંગ, ખડગે મજબુત દાવેદાર
