અંબાજી : મધ્યપ્રદેશના રાજ્યપાલ મંગુભાઇ પટેલે આદ્યશક્તિ માં અંબાના કર્યા દર્શન

પાલનપુર : મધ્યપ્રદેશના રાજ્યપાલ મંગુભાઇ પટેલ આજે બનાસકાંઠા જિલ્લાના પ્રસિદ્ધ યાત્રાધામ અંબાજી ખાતે પધાર્યા હતા. તેમણે જગતજનની માં અંબાની પૂજા અર્ચના કરી ભક્તિભાવપૂર્વક દર્શન કર્યા હતા. હાલમાં આસો સુદ નવરાત્રિ ચાલી રહી છે ત્યારે ગુજરાત સહિત સમગ્ર દેશમાંથી માતાજીના દર્શન કરવા શ્રધ્ધાળુઓ અંબાજી આવી રહ્યા છે. અંબાજી દર્શને પધારેલ મધ્યપ્રદેશના રાજ્યપાલ મંગુભાઇ પટેલે ગુજરાત સુખ, શાંતિ અને સમૃદ્ધિ વધે એવી માતાજીને પ્રાર્થના કરી હતી.

અંબાજી પધારેલ મધ્યપ્રદેશના રાજ્યપાલ મંગુભાઇ પટેલનું અંબાજી સર્કિટ હાઉસ ખાતે ગાર્ડ ઓફ ઑનર આપી સ્વાગત કરવામાં આવ્યુ હતું. રાજ્યપાલએ શક્તિપીઠ અંબાજી ખાતે શીશ ઝુકાવી માં અંબાના આશીર્વાદ મેળવ્યા હતા. તેમજ અંબાજી ખાતેના નયનરમ્ય સ્થળ માંગલ્યવનની મુલાકાત લઈ વૃક્ષારોપણ કર્યું હતું.