ચંદીગઢ MMS કેસ: ભારતીય સેનાએ ચંદીગઢની ઘટનાને લઈને જારી કર્યું નિવેદન, જુઓ શું કહ્યું..

મોહાલીની ચંદીગઢ યુનિવર્સિટીમાં એમએમએસ વીડિયો લીક કેસમાં સેનાનો એક જવાન સંડોવાયેલો જોવા મળ્યો હતો, જેની પંજાબ પોલીસે ધરપકડ કરી હતી. ભારતીય સેનાના એક અધિકારીએ આ અંગે એક નિવેદન જાહેર કર્યું છે. તેમનું કહેવું છે કે ભારતીય સેના આવા વર્તન અને કૃત્ય માટે ઝીરો ટોલરન્સની નીતિ અપનાવે છે. આ મામલે ભારતીય સેનાના એક અધિકારીને ટાંકીને સત્તાવાર નિવેદન બહાર આવ્યું છે. તેમણે કહ્યું કે સેના આવા મામલામાં ઝીરો ટોલરન્સની નીતિનું પાલન કરે છે. તેમજ કેસ ઝડપથી પૂરો થાય તે માટે પોલીસને મદદ કરવાનું ચાલુ રાખશે. ધરપકડ કરાયેલા આરોપી આર્મી જવાન પર યુનિવર્સિટીની યુવતીને બ્લેકમેલ કરવાનો અને અન્ય યુવતીઓના અશ્લીલ વીડિયોની માંગ કરવાનો આરોપ હતો.

આર્મી જવાન આરોપી મળી આવ્યો હતો

સેનાને આ માહિતી મળતાની સાથે જ તેમણે પંજાબ પોલીસ અને અરુણાચલ પ્રદેશને તાત્કાલિક તમામ જરૂરી મદદ પૂરી પાડી હતી અને આરોપી સૈનિકને મામલાની તપાસ માટે પોલીસને સોંપવામાં આવ્યો હતો. ધરપકડ કરાયેલા આરોપી પર યુનિવર્સિટીની એક યુવતીને બ્લેકમેલ કરવાનો અને અન્ય યુવતીઓના અશ્લીલ વીડિયોની માંગ કરવાનો આરોપ હતો.

આરોપી જવાન સંજીવ સિંહનું પોસ્ટિંગ અરુણાચલ પ્રદેશના ઇટાનગર પાસેના વિસ્તારમાં હતું. આ જવાન જમ્મુ-કાશ્મીરનો રહેવાસી છે. આરોપી યુવતીનો જૂનો મિત્ર તેનો અશ્લીલ વીડિયો આ જવાન પાસે લાવ્યો હતો, તેને લીક કરવાની ધમકી આપીને સેનાના જવાનને બાકીની યુવતીઓના વીડિયો બનાવવા દબાણ કર્યું હતું. આ પહેલા પંજાબ પોલીસે આ મામલામાં ત્રણ આરોપીઓની ધરપકડ કરી હતી, જેમાં વીડિયો બનાવનાર યુવતીનો પણ સમાવેશ થાય છે.

આ પણ વાંચો : ગુજરાત હાઈકોર્ટમાં ગુજરાતી ભાષાને માન્યતા આપવા કરી માંગ, રાજ્યપાલને લખ્યો પત્ર