તાઈવાનમાં 7.2ની તીવ્રતાનો ભૂકંપ, 24 કલાકમાં 100થી વધુ ઝટકા
તાઈવાન સતત બીજા દિવસે પણ ભૂકંપના ઝાટકાથી ધ્રુજતુ રહ્યુ છે.શનિવાર પછી રવિવારે પણ તાઈવાનના પૂર્વ હિસ્સામાં આવેલા યુજિંગ વિસ્તારમાં ભૂકંપના ઝાટકા લોકોએ અનુભવ્યા હતા. મળતી માહિતી મુજબ, રવિવારે બપોરે લગભગ 12.14 કલાકે ભૂકંપના આંચકા અનુભવાયા હતા. પૂર્વી તાઈવાનના યુજિંગ વિસ્તારમાં ભૂકંપનો આંચકો અનુભવાયો હતો. હુઆલિન વિસ્તારમાં એક ઘર પણ ભૂકંપથી ધ્વસ્ત થઈ ગયું છે.
ભૂકંપના આંચકા એટલા જોરદાર હતા કે ટ્રેન પલટી ગઈ. જેના કારણે રેલ સુવિધા પણ પ્રભાવિત થઈ છે. આ ઝાટકાની તિવ્રતા એટલી હતી કે, રેલવે ટ્રેક પરથી ટ્રેન પણ ઉથલી પડી હતી અને તેના કારણે ટ્રેન વ્યવહાર પણ ખોરવાયો હતો.તાઈવાનમાં છેલ્લા બે દિવસમાં ભૂકંપના 100થી વઘુ આંચકા અનુભવાયા છે.આજે જે આંચકા આવ્યા હતા તેની તિવ્રતા 7.2 રિચર સ્કેલની હતી.
An earthquake of magnitude 7.2 occurred 85 km East of Yujing, Taiwan at around 12:14 pm IST
— ANI (@ANI) September 18, 2022
જેના પગલે સેંકડો મકાનોને નુકસાન થયુ છે અને લોકોમાં અફરા તફરી મચી ગઈ હતી.લોકો જીવ બચાવવા માટે ઘરોની બહાર દોડી આવ્યા હતા.જોકે કોઈ જાનહાનિ થઈ હોવાના અહેવાલ હજી મળ્યા નથી. ભૂકંપના કારણે રસ્તાઓ પર તિરાડો પડી ગઈ છે અન એક બ્રિજનેપ ણ નુકસાન થયુ છે.
છેલ્લા 24 કલાકમાં આવેલા ભૂકંપના આંચકાના કારણે રાજધાની તાઈપેમાં મેટ્રો સેવાને પણ બંધ કરી દેવામાં આવી છે. રેલવેને આ ભૂકંપના કારણે ખાસુ નુકસાન થયુ છે.
આ પણ વાંચો : અમેરિકા, ઈટાલી, પાકિસ્તાન અને ભારત સુધી આકાશી આફત, હજારો લોકોના મોત, કરોડો લોકો બેઘર
