વિધાનસભા ચૂંટણીની સિઝન આવતા પહેલા ગુજરાતના પોલીસ વિભાગમાં બદલીની મોસમ જામી છે. ત્યારે આજ સાંજ સુધીમાં PSIની મોટાપાયે બદલી થાય તેવી શક્યતા વર્તાઈ રહી છે. ચૂંટણીને લઈને ગૃહ વિભાગ હાલ બદલીના ઘાણવા કાઢી રહ્યું છે. ત્યારે આજ સાંજ સુધીમાં રાજ્યભરના PSIની મોટાપાયે બદલી થાય તેવી શક્યતા જણાઈ રહી છે.
પોલીસ બેડામાં મોટા પાયે ફેરફારો થવાની તૈયારી
હાલ થોડા સમય પહેલા જ ગૃહ વિભાગે અંદાજે 200 જેટલા PIની જિલ્લા બદલી કરી હતી. જયારે એકી સાથે 113 બિન હથિયારી પોલીસ ઇન્સ્પેક્ટરની બદલીના આદેશ આપવામાં આવતા પોલીસ બેડામાં ખળભળાટ મચ્યો હતો. ત્યારે છેલ્લા એક વર્ષથી પેન્ડિંગ રહેતો PSIનો ઓર્ડર આજે આવે તેવું જણાઈ રહ્યું છે.
