સોનાલીના મોતની મિસ્ટ્રીનો ભેદ ક્યારે ઉકેલાશે? CBIએ 25 દિવસ બાદ નોંધ્યો કેસ
CBIએ હરિયાણાની BJP નેતા સોનાલી ફોગાટના મૃત્યુ અંગે કેસ નોંધ્યો છે. આ કેસના સંદર્ભમાં CBIની ટીમ ગોવા જશે. સોનાલીના મૃત્યુના 25 દિવસ બાદ CBIએ કેસ નોંધ્યો છે. ગોવા સરકારે સોનાલી ફોગાટ હત્યા કેસ CBIને સોંપવાની ભલામણ કરી હતી. ત્યારબાદ સોમવારે ગૃહ મંત્રાલયે ડીઓપીટી મંત્રાલયને મામલાની CBI તપાસ માટે પત્ર લખ્યો હતો.
સોનાલી ફોગાટના મૃત્યુની શરૂઆતથી જ તેના પરિવારના સભ્યો CBI તપાસની માંગ કરી રહ્યા હતા. આ માટે તેઓ હરિયાણાના CM મનોહર લાલ ખટ્ટરને મળ્યા અને તેમની અરજી લેખિતમાં આપી. ત્યારબાદ હરિયાણાના CMએ ગોવાના CM પ્રમોદ સાવંતને આ મામલે સીબીઆઈ તપાસ માટે પત્ર લખ્યો હતો.
પરિવારે CBI કરી હતી તપાસની માંગ
બે દિવસ પહેલા સોનાલી ફોગાટની બહેન રુકેશ CBI તપાસની માંગણીને પુનરોચ્ચાર કરતી વખતે તેની બહેનના શંકાસ્પદ મૃત્યુમાં રાજકીય એન્ગલ હોવાની આશંકા પણ વ્યક્ત કરી હતી. રુકેશે કહ્યું હતું કે, CBIની તપાસ પછી જ સત્ય બહાર આવશે. અમે ગોવા પોલીસની તપાસથી સંતુષ્ટ નથી. ગોવા પોલીસ આ કેસની પ્રોપર્ટીના એંગલથી તપાસ કરી રહી છે. ત્યાં હત્યા પાછળ કંઈક છે.” મોટા લોકો હોઈ શકે છે. સોનાલીની હત્યા રાજકીય આધાર પર થઈ શકે છે, તેથી તપાસ થવી જોઈએ.”
કેન્દ્રીય ગૃહ મંત્રાલયે આપી દીધી છે મંજૂરી
તેમણે આ મામલાની CBI તપાસ માટે સરકાર પર દબાણ કરવા બદલ ખાપ પંચાયતોનો આભાર માન્યો હતો. રુકેશે કહ્યું હતું કે, “ખાપ પંચાયતોએ તેમનો સંપૂર્ણ સહકાર આપ્યો છે. ખાપ પંચાયતોના કારણે હરિયાણા અને ગોવાની સરકાર પર દબાણ છે.” સોનાલી ફોગાટના મૃત્યુની સીબીઆઈ તપાસની માંગ કરવા માટે રવિવારે હિસારમાં ખાપ મહાપંચાયતનું આયોજન કરવામાં આવ્યું હતું. કેન્દ્રીય ગૃહ મંત્રાલયએ સોમવારે સોનાલી ફોગાટના મૃત્યુની તપાસ માટે CBIને મંજૂરી આપી દીધી છે.
સોનાલી ફોગાટનું ગોવામાં થયું હતું મોત
સોનાલી ફોગાટને ગોવા પહોંચ્યાના એક દિવસ પછી 23 ઓગસ્ટે ઉત્તર ગોવા જિલ્લાની એક હોસ્પિટલમાં મૃત લાવવામાં આવી હતી. આ કેસમાં ગોવા પોલીસે પાછળથી હત્યાનો કેસ નોંધ્યો હતો અને સોનાલીના પીએ સહિત પાંચ લોકોની ધરપકડ કરી હતી. સોનાલી ફોગાટ, જે તેના ટિકટોક વિડિયોથી ખ્યાતિ પ્રાપ્ત કરી હતી, તેણે 2019ની હરિયાણાની ચૂંટણી ભાજપના ઉમેદવાર તરીકે લડી હતી, પરંતુ તેનો પરાજય થયો હતો. તે 2020માં રિયાલિટી શો બિગ બોસમાં પણ જોવા મળી હતી.
