નવા તારક મહેતાની એન્ટ્રી પર શૈલેષ લોઢાએ કર્યો કટાક્ષ
ટીવીનો ફેવરિટ શો ‘તારક મહેતા કા ઉલ્ટા ચશ્મા’ છેલ્લા ઘણા દિવસોથી ચર્ચાનો વિષય છે. ઘણા મોટા ચહેરાઓએ શોને અલવિદા કહી દીધું છે, જ્યારે ઘણાએ શોમાં એન્ટ્રી કરી છે. અત્યાર સુધી શૈલેષ લોઢા, દિશા વાકાણી, ભવ્ય ગાંધી, ગુરચરણ સિંહ અને નેહા મહેતા જેવા ઘણા કલાકારો આ શોને અલવિદા કહી ચૂક્યા છે. તેમજ તારક મહેતાના રોલમાં જોવા મળતા શૈલેષ લોઢાની એક પોસ્ટ આ સમયે ખૂબ જ ચર્ચાનો વિષય બની રહી છે.
‘તારક મહેતા કા ઉલ્ટા ચશ્મા’ શો છોડ્યા બાદ અભિનેતા શૈલેષ લોઢા ઘણીવાર પોતાની વ્યંગાત્મક પોસ્ટ શેર કરે છે. જેના કારણે તે હેડલાઈન્સ પણ કલેક્ટ કરતી જોવા મળે છે. આ દરમિયાન શૈલેષ લોઢાએ તેમની બીજી નવી પોસ્ટ શેર કરી છે. આ જોઈને અનુમાન લગાવવામાં આવી રહ્યું છે કે તેણે તેનું નામ લીધા વગર શોના મેકર્સ પર નિશાન સાધ્યું છે.
View this post on Instagram
આ પોસ્ટ શેર કરતાં તેણે કેપ્શનમાં લખ્યું કે,
“મેરા હી ચેહરા સબસે બડા હો
યાર તુમ કિતને અસુરક્ષીત ઔર ડરે હો
પરિભાષા તક નહીં જાનતે ઈમાન કી
ઈતની બાર અપના કહા બદલતે હો
કીંમત તો પતા હી નહીં જુબા કી
અગર તુમમે આત્મા હોતી તો પુછતા
ક્યા કભી ઉસે ટટોલા થા
વૈસે અક સવાલ જરુર હૈ
આખરી બાર તુમને સચ કબ બોલાથા ?”
શૈલેષ લોઢાની જગ્યાએ સચિન શ્રોફ:
તમને જણાવી દઈએ કે, શો ‘તારક મહેતા કા ઉલ્ટા ચશ્મા’માં શૈલેષ લોઢાની જગ્યાએ સચિન શ્રોફ હવે તારક મહેતાનો રોલ કરી રહ્યો છે. આ જ શોમાં બીજા ઘણા નવા ચહેરાઓએ એન્ટ્રી કરી છે. જોકે નવા કલાકારને દર્શકો વધુ પસંદ નથી કરી રહ્યા. તે જ સમયે, જો અહેવાલોનું માનીએ તો, શોના મુખ્ય અભિનેતા શૈલેષ લોઢાએ નિર્માતા અસીમ મોદી સાથેના વિવાદને કારણે ‘તારક મહેતા કા ઉલ્ટા ચશ્મા’ને અલવિદા કહી દીધું હતું. શૈલેષના અચાનક શો છોડવાથી દર્શકો ખૂબ જ નારાજ છે અને સાથે જ શોની ટીઆરપી પર પણ તેની ખરાબ અસર પડી રહી છે.
