Birthday Special: પહેલી જ ફિલ્મથી મોટું જોખમ લઈને નેશનલ ફિલ્મ એવોર્ડ સુધીની સફર…
14 સપ્ટેમ્બર 1984ના રોજ ચંદીગઢમાં જન્મેલા આયુષ્માન આજે 38 વર્ષના થયા છે. આયુષ્માન ખુરાનાને સામાન્ય માણસ અને તેના પડકારોયુક્ત જીવન પડદા પર જીવવાનું પસંદ છે. અભિનેતાઓ મોટે ભાગે રોમેન્ટિક, ચોકલેટી અથવા એક્શન હીરોની છબીઓમાં જોવા માંગે છે, જ્યારે આયુષ્માને ‘વિકી ડોનર’, ‘શુભ મંગલ જ્યાદા સાવધાન’, ‘ગુલાબો સીતાબો’ જેવી ફિલ્મોમાં એક સરળ સંઘર્ષ કરતા યુવાનની ભૂમિકા ભજવી હતી.
આયુષ્માન ખુરાના જેટલો કુશળ અભિનેતા છે તેટલો જબરદસ્ત ગાયક પણ છે. આયુષ્માને તેની કારકિર્દી આરજે તરીકે શરૂ કરી હતી. અભિનયની સાથે આયુષ્માન લેખનનો પણ શોખીન છે. વર્ષ 2004માં આયુષ્માન એમટીવી શો ‘રોડીઝ 2’માં પહેલીવાર જોવા મળ્યો હતો અને આ રિયાલિટી શોનો વિજેતા પણ બન્યો હતો.
બોલિવૂડનો ટેલેન્ટેડ એક્ટર આયુષ્માન ખુરાના આજે લાખો દિલોની ધડકન બની ગયો છે. ‘રોડીઝ 2’ની સફળતાના લગભગ 8 વર્ષ બાદ તેણે ‘વિકી ડોનર’ ફિલ્મથી બોલિવૂડમાં ડેબ્યૂ કર્યું હતું. આ ફિલ્મ સાથે ડેબ્યુ કરવું એ પણ એક નવા અભિનેતા તરીકે એ ખૂબ જોખમી હતું.
આયુષ્માને ‘વિકી ડોનર’માં શાનદાર કામ કર્યું હતું અને ફિલ્મ હિટ રહી હતી. આ ફિલ્મથી અભિનેતાએ કહ્યું કે રોમાન્સ અને મસાલેદાર ફિલ્મો સિવાય જો સારી સ્ક્રિપ્ટ અને પરફોર્મન્સ હોય તો ફિલ્મ સફળ થાય છે.
જો કે, આયુષ્માન ખુરાનાએ તેની ડેબ્યૂ ફિલ્મથી જ એવો બેન્ચમાર્ક સેટ કર્યો કે દર્શકો તેની નીચે જોવા માટે તૈયાર ન હતા. તેથી ‘વિકી ડોનર’, પછી, ‘નૌટંકી સાલા’, ‘બેવકુફિયન’, ‘હવાઈઝાદા’ આ ત્રણેય ફિલ્મો બોક્સ ઓફિસ પર કમાલ બતાવી શકી નહતી.
પરંતુ આયુષ્માન ખુરાનાએ હાર ન માની અને અલગ-અલગ જોનરની ફિલ્મો કરીને એક અલગ ઓળખ બનાવવામાં સફળ રહ્યો. બહુ ઓછા સમયમાં આયુષ્માને એક મજબૂત અભિનેતા તરીકે ફિલ્મ ઈન્ડસ્ટ્રીમાં પોતાનું સ્થાન બનાવ્યું છે.
આયુષ્માન ખુરાનાની દરેક ફિલ્મ પછી ભલે તે ‘દમ લગા કે હઈશા’ હોય કે ‘બરેલી કી બરફી’ હોય કે ‘અંધાધૂન’, ‘આર્ટિકલ 15’, ‘શુભ મંગલ જ્યાદા સાવધાન’, ‘ડ્રીમ ગર્લ’ હોય કે ‘ગુલાબો સિતાબો’, દરેક ફિલ્મમાં અભિનેતાએ શાનદાર પર્ફોર્મન્સ આપ્યું છે.
આયુષ્માન ખુરાનાના અંગત જીવન વિશે વાત કરીએ તો, અભિનેતાએ તેના બાળપણના પ્રેમને પોતાનો જીવનસાથી બનાવ્યો હતો. તાહિરા કશ્યપ સાથે 12 વર્ષની દોસ્તી બાદ વર્ષ 2008માં લગ્ન કર્યા હતા. આયુષ્માન અને તાહિરાને એક પુત્ર વિરાજવીર અને પુત્રી વિરુષ્કા છે.
હવે વાત કરીએ આયુષ્માનની આગામી ફિલ્મ વિશ તો તે ટૂંક સમયમાં ‘ડૉક્ટર જી’ અને ‘એન એક્શન હીરો’માં જોવા મળશે.
