અરવિંદ કેજરીવાલે મહિલાઓ માટે જાહેર કરી વધુ એક ‘ગેરેન્ટી’ યોજના
હાલમાં વિધાનસભાની ચૂંટણી માટે ભાજપ અને આમ આદમી પાર્ટી વચ્ચે એડી ચોટીનું જોર લાગી રહ્યું છે. ત્યારે આજે આમ આદમી પાર્ટીના સંયોજક અરવિંદ કેજરીવાલ ફરી એકવાર ગુજરાતની મુલાકાતે છે. અમદાવાદની મુલાકાતે આવેલા અરવિંદ કેજરીવાલે ભાજપ સરકાર પર પ્રહાર કર્યા છે. અમદાવાદમાં એક કાર્યક્રમમાં સંબોધનમાં કેજરીવાલે જણાવ્યુ કે, ભાજપ લોકોને ડરાવવાનું કામ કરે છે.
"આજે અમેરિકા, લંડન, જાપાન વગેરે મોટા દેશ પોતાના બાળકોને ફ્રી શિક્ષણ આપી રહ્યા છે. એ લોકો અમીર છે એટલા માટે ફ્રી શિક્ષણ નથી આપતા, પરંતુ ફ્રી શિક્ષણ આપે છે એટલે અમીર છે." – @ArvindKejriwal #TownhallWithKejriwal pic.twitter.com/PS8c1rdRag
— AAP Gujarat । Mission2022 (@AAPGujarat) September 12, 2022
વિધાનસભા ચૂંટણી પહેલાં અરવિંદ કેજરીવાલે જનતાને સવાલ કર્યો કે 27 વર્ષથી ગુજરાતમાં ભાજપનું શાસન છે. પણ શું એકવાર પણ ભાજપના કોઇ મુખ્યમંત્રી કે મંત્રીએ તમારી સાથે આ રીતે સામ સામે બેસીને આ રીતે સંવાદ કર્યો છે? ક્યારેય તમને સન્માન આપ્યુ છે ? તમારા ઘરે ભોજન કરવા આવ્યા છે ? પણ અમે તમને પોતાના માનીએ છીએ, અમે તમને અમારા પરિવારનો ભાગ માનીએ છીએ એટલે અમે તમારુ સન્માન પણ કરીએ છીએ. આ સાથે જ અરવિંદ કેજરીવાલે ગુજરાત સરકાર પર પ્રહાર કર્યા હતા અને કહ્યુ હતુ કે ભાજપ લોકોને ડરાવવાનું કામ કરી રહી છે.
આપના સંયોજક અરવિંદ કેજરીવાલે જણાવ્યુ કે, અમારી સરકાર આવશે તો દરેક રિક્ષાવાળાના છોકરા ડોક્ટર અને એન્જીનિયર બનશે. તમારા બાળકને અમે સારી શિક્ષા અપાવીશુ. તમારુ બાળક તમારા ઘરની ગરીબી દુર કરશે. સાથે જ તેમણે મહિલાઓના ખાતામાં દરમહિને એક એક હજાર રૂપિયા આપવાની પણ વાત કરી હતી. તેમણે જો કોઇ પરિવારમાં મા, દીકરી અને પત્ની હોય તો ત્રણેયના એક એક હજાર એમ ત્રણ હજાર રુપિયા ખાતામાં નાખવાની પણ જાહેરાત કરી હતી.
આ પણ વાંચો : ચૂંટણી પહેલાં જ BTP એ ‘ટોપીવાલા’નો સાથ છોડ્યો, લગાવ્યા ગંભીર આરોપ
