ગુજરાતમાં તાજેતરમાં નશાનો કારોબાર કરતા લોકો પર તવાઇ આવી છે. જેમાં વારંવાર ગુજરાતમાંથી ડ્રગ્સ પકડાઇ રહ્યું છે. તેમાં ગુજરાત ATS અને DRIએ સંયુક્ત રીતે ઓપરેશન ‘ગિયર બોક્સ’ શરૂ કરવામાં આવ્યુ છે. જેમાં મોટી સફળતા મળી છે. તેમાં કોલકાતાથી 200 કરોડનું ડ્રગ્સ ઝડપાયુ છે. ત્યારે રાજ્યના પોલીસ વડા આશિષ ભાટિયાએ વિગતો આપતા જણાવ્યું છે કે ઓપરેશન ગીયર બોક્સના નામથી ગુજરાત ATSએ કાર્યવાહી કરી છે, સેંચુરી નામના કન્ટેનરમાં 12 ગીયર બોક્સમાં સફેદ રંગનું માર્કિગ હતુ તેમાંથી ડ્રગ્સના 72 પેકેટ મળ્યા છે.
એક કેસમાં 75 કિલો હેરોઇન રિકવર કરવામાં આવ્યુ
DRIએ NDPS એક્ટ 1985ની જોગવાઇઓ હેઠળ ફરિયાદ નોંધી જપ્તીની કાર્યવાહી શરૂ કરી છે. અગાઉ શોધાયેલા એક કેસમાં 75 કિલો હેરોઇન રિકવર કરવામાં આવ્યુ હતુ. 395 કિલો વજનના દોરાને માદક દ્રવ્ય-હેરોઇન ધરાવતા સોલ્યુશનમાં પલાળવામાં આવ્યા હતા, જેને પછી સુકાઇને ગાંસડીમાં બનાવવામાં આવ્યા હતા અને બેગમાં પેક કરવામાં આવ્યા હતા.
FSLમાં પરિક્ષણ કરી હેરોઇન ડ્રગ્સ હોવાનું સામે આવ્યું
ગુજરાત ATSએ સ્ક્રેપના કન્ટેનરમાં લવાયેલું 200 કરોડનું 40 કિલો હેરોઇન પકડ્યું છે. તેમાં કન્ટેનર ફેબ્રુઆરી મહિનામાં દુબઈથી આવ્યું હતું. તથા પશ્ચિમ બંગાળના કોલકાતા બંદર પર કન્ટેનરની તપાસ કરવામાં આવી હતી. જેમાં દુબઇના આ કન્ટેનરનું વજન 9300 કિલોગ્રામ ભંગાર હોવાનું જાહેર કરવામાં આવ્યુ હતુ. સ્ક્રેપ્ટમાં ગિયર બોક્સ અને અન્ય ધાતુના ભંગારમાં કુલ 39.5 કિગ્રા પાઉડરના વજનવાળા 72 પેકેટમાં માદક પદાર્થ મળી આવ્યો હતો અને રિકવર કરી FSLમાં પરિક્ષણ કરી હેરોઇન ડ્રગ્સ હોવાનું સામે આવ્યું હતું.
