ઘરમાં નેટવર્ક પ્રોબ્લેમ છે, સ્માર્ટફોનનું આ સેટિંગ કરો ઓન; સમસ્યા થઈ જશે દૂર

મોબાઈલ નેટવર્કને લગતી સમસ્યાઓ ઘણીવાર લોકોને પરેશાન કરે છે. ભલે તમે શહેરની VVIP સોસાયટીમાં રહેતા હોય કે દૂરના ગામમાં, નેટવર્ક સંબંધિત સમસ્યાઓ મોબાઈલ યુઝર્સને વારંવાર પરેશાન કરતી રહે છે. આવી સ્થિતિમાં, તમારા સ્માર્ટફોનમાં એવી સુવિધા ઉપલબ્ધ છે, જે આ સમસ્યાને દૂર કરી શકે છે. જો કે, આ ફીચર ફક્ત સ્માર્ટફોનમાં જ મળશે. એટલે કે ફીચર ફોન યુઝર્સ આ ફીચરનો લાભ નહીં લઈ શકે.

છેલ્લા બે વર્ષમાં વર્ક ફ્રોમ હોમ કલ્ચરમાં વધારો થયો છે. આવી સ્થિતિમાં લોકોએ તેમના ઘરોમાં Wi-Fiનો ઉપયોગ કરવાનું શરૂ કરી દીધું છે. જો તમે પણ એવા લોકોમાંથી એક છો કે, જેઓ ઘરે Wi-Fi નો ઉપયોગ કરે છે. અને તમે નેટવર્ક સંબંધિત સમસ્યાઓથી બચવા માંગતા હો તો, આ માટે તમારે કેટલાક સ્ટેપ્સ ફોલો કરવા પડશે.

Wi-Fi કૉલિંગ ફીચર શું છે?  ખરેખર, Wi-Fi કૉલિંગની સુવિધા Android સ્માર્ટફોન અને iPhoneમાં ઉપલબ્ધ છે . આની મદદથી તમે સ્માર્ટફોનમાં થતી નેટવર્કની સમસ્યાને દૂર કરી શકો છો. આ માટે તમારા ઘરમાં વાઇફાઇ કનેક્શન હોવું જરૂરી છે.

જો તમે Android સ્માર્ટફોન કે iPhone યુઝર છો, તો તમારે પહેલા તમારા ફોનના સેટિંગમાં જવું પડશે.

iPhone વપરાશકર્તાઓએ શું કરવું જોઈએ?  તમારે મોબાઈલ ડેટા સેક્શન પર ક્લિક કરવાનું રહેશે. હવે યુઝર્સને Wi-Fi કૉલિંગનો વિકલ્પ મળશે. તમારે આના પર ક્લિક કરવાનું રહેશે. ધ્યાનમાં રાખો કે જો તમારું નેટવર્ક Wi-Fi કૉલિંગને સપોર્ટ કરતું હોય તો જ આ વિકલ્પ ઉપલબ્ધ થશે. હવે તમારે આ iPhone પર Wi-Fi કૉલિંગને (active) સક્ષમ કરવું પડશે. આ રીતે, તમારા ફોન પર વાઇફાઇ કોલિંગની સુવિધા ઉપલબ્ધ થશે.

જો તમે એન્ડ્રોઇડ યુઝર છો, તો તમારે તમારા સ્માર્ટફોનના સેટિંગ્સમાં જવું પડશે. અહીં તમારે નેટવર્ક અને ઇન્ટરનેટના વિકલ્પ પર ક્લિક કરવાનું રહેશે. હવે તમને Wi-Fi Preferences નો વિકલ્પ મળશે, જેના પર ક્લિક કરીને તમારે Advanced ના વિકલ્પ પર જવાનું રહેશે. અહીંથી તમે Wi-Fi કૉલિંગના વિકલ્પને(active) સક્ષમ કરી શકો છો. ધ્યાનમાં રાખો કે કેટલીકવાર અલગ-અલગ Android સ્કિનને લીધે, તમે WiFi ને સક્ષમ કરવાની રીત થોડી અલગ હોઈ શકે છે. આવી સ્થિતિમાં, તમે સેટિંગ્સમાં જઈને સીધા Wi-Fi કૉલિંગને પણ સર્ચ કરી શકો છો.

શું ફાયદો થશે? આ વિકલ્પની મદદથી, નેટવર્ક ખરાબ હોવા છતાં પણ તમને સારી કનેક્ટિવિટી મળશે. આ સેટિંગને ઓન કર્યા પછી, તમે સામાન્ય ફોન કોલની જેમ Wi-Fi કૉલિંગનો લાભ લઈ શકશો. જ્યારે તમે Wi-Fi થી કનેક્ટેડ ન હોવ, ત્યારે તમારું મોબાઇલ કેરિયર સામાન્ય નેટવર્કનો ઉપયોગ કરશે.