કપિલ શર્મા શોમાં એક નવા કોમેડિયનની થઈ રહી છે એન્ટ્રી, 10 સપ્ટેમ્બરથી શોમાં મચાવશે ધૂમ

ફેમસ કોમેડિયન કપિલ શર્માના કોમેડી શો ‘ધ કપિલ શર્મા શો’ની નવી સીઝન ટૂંક સમયમાં શરૂ થવા જઈ રહી છે. આ વખતે ઘણા નવા ચહેરા દેખાશે, જે દર્શકોને હસાવશે. હવે આ શોમાં વધુ એક નવો સભ્ય જોડાવા જઈ રહ્યો છે, જેણે ઘણા શોમાં પોતાની કોમેડીથી લોકોને હસાવ્યા છે. અમે વાત કરી રહ્યા છીએ સિદ્ધાર્થ સાગરની, જે સ્ટેન્ડ અપ કોમેડિયન છે. હાલમાં જ તે કોમેડી શો ‘કેસ તો બંતા હૈ’માં જોવા મળ્યો હતો.

કપિલનો શો આ રીતે મળ્યો

તાજેતરમાં, સિદ્ધાર્થ સાગરે ETimes સાથેની વાતચીતમાં ‘ધ કપિલ શર્મા શો’માં કામ કરવા અંગેની પોતાની ઉત્સુકતા શેર કરી છે. કોમેડિયને કહ્યું, “હું એક શો ‘કેસ તો બના હૈ’માં કામ કરી રહ્યો હતો, જેમાં મારા અભિનયની ખૂબ પ્રશંસા કરવામાં આવી હતી. મને લાગે છે કે તેથી જ મને ‘ધ કપિલ શર્મા શો’ ઓફર કરવામાં આવ્યો હતો.” કપિલના વખાણ કરતા સિદ્ધાર્થે કહ્યું કે, કપિલ સાથે કામ કરવું અદ્ભુત છે. તેની પાસે રમૂજની ખૂબ સારી સમજ છે. જ્યારે અમે સ્ટેજ પર પરફોર્મ કરીએ છીએ ત્યારે તે મને ઘણો આનંદ આપે છે.”

દર્શકોનું મનોરંજન કેવી રીતે કરવું

સિદ્ધાર્થ સાગરે કહ્યું કે, તે કેવું પ્રદર્શન કરશે. તેણે કહ્યું, “એમાં દમદાર પર્ફોર્મન્સ, ડાન્સ, કોમેડી અને ફન હશે, જેને દર્શકો તેમના પરિવાર સાથે જોઈ શકશે. જ્યારે હું સ્ટેજ પર હોઉં છું ત્યારે મને કોઈ દબાણ નથી લાગતું. હું મારી જાતને પ્રભાવિત થવા દેતો નથી, કારણ કે પ્રતિભા ત્યારે જ ખીલે છે જ્યારે કોઈ દબાણ ન હોય.” તમને જણાવી દઈએ કે ‘ધ કપિલ શર્મા શો’ સોની ટીવી પર 10 સપ્ટેમ્બર 2022થી શરૂ થઈ રહ્યો છે.

આ પણ વાંચો : દારૂ કૌભાંડમાં હવે EDની એન્ટ્રી, દિલ્હીથી મુંબઈ સુધી 30થી વધુ સ્થળો પર દરોડા