ગુરુવારે એક વ્યક્તિએ આર્જેન્ટિનાના વાઇસ પ્રેસિડેન્ટ ક્રિસ્ટિના ફર્નાન્ડીઝ ડી કિર્ચનર પર ફાયરિંગ કરવાનો પ્રયાસ કર્યો હતો. જો કે પિસ્તોલ સમયસર ફાયર થઈ શકી ન હતી. આ હુમલા પાછળ ત્યાંની રાજકીય ખેંચતાણ દેખાઈ રહી છે.
Video footage shows the moment Argentina’s VP Cristina Fernandez de Kirchner narrowly avoided assassination after a gunman’s weapon failed to fire while he was pointing a gun in her face. She was unharmed.
????: https://t.co/1llLRaQndJ pic.twitter.com/8r8qSQO9MA
— Al Jazeera English (@AJEnglish) September 2, 2022
આરોપીએ ફાયર કર્યું પરંતુ ગોળી ના નીકળી
રાષ્ટ્રપતિ આલ્બર્ટો ફર્નાન્ડિઝે ટીવી પર રાષ્ટ્રને સંબોધિત કરતા કહ્યું કે એક વ્યક્તિએ ઉપરાષ્ટ્રપતિ ક્રિસ્ટિના પર પિસ્તોલ તાકી અને ટ્રિગર ખેંચ્યું. જો કે સદનસીબે ગોળી ફાયર થઇ નહી. રાષ્ટ્રપતિએ જણાવ્યું કે બંદૂકમાં 5 ગોળીઓ ભરેલી હતી. તેમણે કહ્યું કે આર્જેન્ટિનામાં લોકશાહીની વાપસી બાદ આ સૌથી ગંભીર ઘટના છે. ઉપરાષ્ટ્રપતિ ભ્રષ્ટાચારના આરોપોનો સામનો કરી રહ્યા છે અને જ્યારે હુમલો થયો ત્યારે સેંકડો સમર્થકો તેમના બ્યુનોસ આયર્સના નિવાસસ્થાનની બહાર એકઠા થયા હતા.
A man was arrested in Argentina after pointing a gun at Vice President Cristina Fernandez de Kirchner as she greeted supporters outside her residence in Buenos Aires, a rare case of political violence in the South American nation https://t.co/dGooCwTNSm
— Bloomberg (@business) September 2, 2022
ઘટનાનો વીડિયો આવ્યો સામે
આ ઘટનાનો એક વીડિયો સામે આવ્યો છે. જેમાં એક વ્યક્તિ પિસ્તોલ પકડીને દેખાઈ રહી છે. તે સમયે ઉપરાષ્ટ્રપતિ પોતાના સમર્થકોને શુભેચ્છા પાઠવી રહ્યા હતા. અધિકારીઓના જણાવ્યા અનુસાર હુમલાખોરની ઓળખ બ્રાઝિલિયન મૂળના 35 વર્ષીય વ્યક્તિ તરીકે થઈ છે. તેની તાત્કાલિક ધરપકડ કરવામાં આવી હતી અને હથિયાર પણ જપ્ત કરવામાં આવ્યું છે. ફર્નાન્ડીઝ ડી કિર્ચનર આગામી સામાન્ય ચૂંટણીમાં રાષ્ટ્રપતિ પદના પ્રબળ દાવેદાર છે. તે જ સમયે આર્જેન્ટિનાના નાણા મંત્રી સર્જિયો માસાએ આ ઘટના વિશે ટ્વિટ કર્યું છે. તેમણે લખ્યું છે કે જ્યારે ચર્ચામાં નફરત અને હિંસાનું વર્ચસ્વ હોય છે ત્યારે સમાજનો નાશ થાય છે અને હત્યાના પ્રયાસ જેવી પરિસ્થિતિ ઊભી થાય છે.
આર્જેન્ટિનાના ઉપરાષ્ટ્રપતિની હત્યાના પ્રયાસની અનેક દેશોના વડાઓએ નિંદા કરી છે. ચિલી, વેનેઝુએલા, પેરુ અને બ્રાઝિલના રાષ્ટ્રપતિ પદના ઉમેદવારો સહિત ઘણા લોકોએ ફર્નાન્ડીઝ ડી કિર્ચનર સાથે એકતા વ્યક્ત કરી હતી.
