સિદ્ધુ મૂસેવાલાની હત્યા કેસમાં વધુ એક મોટો ખુલાસો થયો છે. મળતી માહિતી મુજબ, મૂસેવાલાની હત્યા કર્યા બાદ તમામ શૂટર્સ ગુજરાતના મુંદ્રા બંદરે ગયા હતા જ્યાં તેઓએ ઉજવણી પણ કરી હતી. આને લગતી તસવીરો પણ સામે આવી છે. જેમાં તમામ શૂટર્સ દરિયા કિનારે ઉજવણી કરતા જોવા મળે છે. બધાએ મુન્દ્રા પોર્ટ પર દરિયા કિનારે ફોટો સેશન પણ કર્યું હતું.
ઉપર દેખાતી તસવીરમાં અંકિત, દીપક મુંડી (ફરાર), સચિન, પ્રિયવ્રતા ફૌજી, કપિલ પંડિત અને કશિશ ઉર્ફે કુલદીપ છે. જેમાં કપિલ પંડિત અને સચિને શૂટરોને પંજાબમાંથી ભાગી જવા અને હત્યા બાદ છુપાઈ જવા મદદ કરી હતી. એક તરફ જ્યાં આ તમામ શૂટર્સ બીચ પર પાર્ટી કરી રહ્યા હતા. દિલ્હી, પંજાબ, મહારાષ્ટ્ર, હરિયાણા અને રાજસ્થાન પોલીસ તેમને શોધી રહી હતી અને સ્થળોએ દરોડા પાડી રહી હતી.
પોલીસે મુખ્ય આરોપીને શોધી કાઢ્યો
પંજાબ પોલીસે કહ્યું કે તેણે ગાયક સિદ્ધુ મૂસેવાલા હત્યા કેસમાં મુખ્ય આરોપીને શોધી કાઢ્યો છે, જે અઝરબૈજાનમાં છે.
પોલીસ મહાનિર્દેશક ગૌરવ યાદવે જણાવ્યું હતું કે કેન્દ્રીય એજન્સીઓએ આરોપી સચિન થપન બિશ્નોઈને શોધવામાં રાજ્ય પોલીસને મદદ કરી હતી અને તેને ભારત પરત લાવવાના પ્રયાસો ચાલુ છે.
મૂસેવાલાની હત્યા પહેલા સચિન અને અન્ય આરોપી ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈ નકલી પાસપોર્ટનો ઉપયોગ કરીને દેશ છોડીને ભાગી ગયા હતા.
ડીજીપીએ કહ્યું કે સચિન લોરેન્સ બિશ્નોઈ ગેંગના અન્ય સભ્ય ગોલ્ડી બ્રારના સંપર્કમાં હતો, જેણે સિંગર મૂસેવાલાની હત્યાની જવાબદારી સ્વીકારી છે.
તેણે કહ્યું, ‘શરૂઆતમાં તે દુબઈ ભાગી ગયો હતો. ભારત સરકાર અને કેન્દ્રીય એજન્સીઓના સમર્થનથી અમને જાણવા મળ્યું છે કે તે અઝરબૈજાનમાં છે. કાયદાકીય પ્રક્રિયા ચાલી રહી છે. અમને આશા છે કે તેને જલ્દી જ ભારત લાવવામાં આવશે.” સિદ્ધુ મૂસેવાલા તરીકે જાણીતા સિંગર શુભદીપ સિંહ સિદ્ધુની પંજાબના માનસા જિલ્લામાં 29 મેના રોજ ગોળી મારીને હત્યા કરવામાં આવી હતી.
