હાર્દિક પંડ્યાએ છેલ્લી ઓવરના પ્લાન વિશે જણાવી આ વાત
ટીમ ઈન્ડિયાના સ્ટાર ઓલરાઉન્ડર હાર્દિક પંડ્યાએ પાકિસ્તાન સામે શાનદાર પ્રદર્શન કર્યું અને બોલ પછી બેટથી તબાહી મચાવી. મેચ બાદ રવિન્દ્ર જાડેજા અને જીતના હીરો હાર્દિક પંડ્યાએ વાત કરી હતી. જેને BCCI ટીવી પર સામે આવી છે. પાકિસ્તાન સામે પાંચ વિકેટની જીત બાદ હાર્દિક પંડ્યા અને રવિન્દ્ર જાડેજા વાતચીતનો વીડિયો શેર કર્યો છે.
આ પણ વાંચો : પાકિસ્તાનની હાર બાદ આ વ્યક્તિને એમ્બ્યુલન્સમાં લઈ જવો પડ્યો, શું કામ થઈ આવી હાલત ?
મેચ પછીની પ્રેસ કોન્ફરન્સમાં હાર્દિક પંડ્યાએ કહ્યું, ‘બોલિંગમાં તે ખૂબ જ મહત્વપૂર્ણ છે કે તમે પરિસ્થિતિને સ્વીકારો અને તમારા હથિયારોનો ઉપયોગ કરો. ટૂંકી બોલિંગ અને હાર્ડ લેન્થ મારી શક્તિઓ છે. તે બધા તેના યોગ્ય ઉપયોગ પર પણ આધાર રાખે છે. બેટ્સમેન ભૂલ કરે છે અને આઉટ થાય છે. હું દરેક ઓવર માટે રણનીતિ ઘડી રહ્યો હતો. ટાર્ગેટ ચેઝ દરમિયાન છેલ્લી ત્રણ ઓવર વિશે વાત કરતાં પંડ્યાએ કહ્યું, ‘મને ખબર હતી કે છેલ્લી ઓવરમાં એક યુવા બોલર (નસીમ શાહ અથવા દહાની) અને લેફ્ટ આર્મ સ્પિનર (મોહમ્મદ નવાઝ) હશે.
From @hardikpandya7's emotional Asia Cup journey to @imjadeja's solid batting display! ???? ????
The all-rounder duo chat up after #TeamIndia win their #AsiaCup2022 opener against Pakistan – by @ameyatilak
Full interview ???? ???? https://t.co/efJHpc4dBo #INDvPAK pic.twitter.com/MJOij6bDRl
— BCCI (@BCCI) August 29, 2022
અમને છેલ્લી ઓવરમાં 7 રનની જરૂર હતી. જો અમને 15 રનની જરૂર હોત તો પણ મેં મારી જાતને તૈયાર રાખી હોત. હું જાણતો હતો કે 20મી ઓવરમાં બોલર મારા કરતા વધુ દબાણમાં હતો. આ દરમિયાન પણ જાડેજાએ પંડ્યાને તે છેલ્લી ઓવરની સ્થિતિ અંગે સવાલ કર્યો હતો. જાડેજાએ કહ્યું કે છેલ્લી ઓવરમાં 7 રનની જરૂર હતી અને મેં પહેલા બોલ પર જ મોટી હિટ બનાવવાનું વિચાર્યું. જોકે હું બહાર નીકળી ગયો. જો કોઈ મોટી હિટ થઈ હોત તો મેચ ત્યાં જ ખતમ થઈ ગઈ હોત. હું બહાર નીકળ્યો, તો તમે શું વિચારતા હતા?
તેના પર પંડ્યાએ કહ્યું, મને 7 રન બહુ મોટા નહોતા લાગ્યા. જો 5 કે 10 ફિલ્ડર બાઉન્ડ્રી પર ઉભા હોય તો પણ મારે હિટ કરવાનો હતો. મને તેની પરવા નહોતી. મારા મનમાં કોઈ દબાણ ન હતું. મારા મતે બોલર પર વધુ દબાણ હતું. તમે દબાણને યોગ્ય રીતે હેન્ડલ કરી શકશો, તો જ તમે કંઈક કરી શકશો. બોલર જે રીતે ફિલ્ડરને સેટ કરે છે તે હું જાણતો હતો. હું જાણતો હતો કે તે બેક-ઓફ લેન્થ પર જશે.
હાર્દિક પંડ્યાએ ચાર ઓવરમાં 25 રન આપીને ત્રણ વિકેટ ઝડપી હતી. જ્યારે બેટિંગ દરમિયાન તેણે 17 બોલમાં અણનમ 33 રન બનાવ્યા હતા. જેમાં વિજયી સિક્સ સામેલ હતી. આ સાથે જ જાડેજાએ 29 બોલમાં 35 રન બનાવ્યા હતા.ભારતે 89 રનમાં ચાર વિકેટ ગુમાવી દીધી હતી પરંતુ રવિન્દ્ર જાડેજા અને હાર્દિક પંડ્યાએ જોડીને ટીમને સરસ જીત અપાવી હતી. હાર્દિકને મેન ઓફ ધ મેચ પણ જાહેર કરવામાં આવ્યો હતો.
