સોમવારે ડોલર સામે રૂપિયો રેકોર્ડ નીચી સપાટીએ પહોંચી ગયો છે. ડોલર સામે રૂપિયાનું આ અત્યાર સુધીનું સૌથી નીચું સ્તર છે. રૂપિયામાં ઘટાડાનું મુખ્ય કારણ યુએસ ફેડના વડા દ્વારા આપવામાં આવેલા સંકેત છે. યુએસ ફેડના ચીફ જેરોમ પોવેલે શુક્રવારે કેન્દ્રીય બેંકો સાથેની બેઠકમાં જણાવ્યું હતું કે ફુગાવાને અંકુશમાં લેવા માટે વ્યાજદરમાં ઘટાડો કરવો શક્ય નથી. આ સંકેતોને પગલે રૂપિયો વધુ નબળો પડ્યો હતો. એક ડૉલરની કિંમત હવે 80.11 રૂપિયા થઈ ગઈ છે. તમને જણાવી દઈએ કે, અગાઉના બંધમાં એક ડોલરની કિંમત 79.97 રૂપિયા હતી.
Rupee hits record low of 80.11 against the previous session close of 79.87 on Friday (26th Aug)
(Representative image) pic.twitter.com/JGNcyHnczJ
— ANI (@ANI) August 29, 2022
ફરી એકવાર ડોલરની સામે ગબડ્યો રૂપિયો
અગાઉ ગયા મહિને ડોલર સામે રૂપિયાએ તેના અગાઉના તમામ રેકોર્ડ તોડી નાખ્યા હતા. ત્યારે એક ડોલરની કિંમત 80.0650 રૂપિયા હતી. આજના ઘટાડાએ ગત મહિનાનો રેકોર્ડ પણ તોડી નાખ્યો છે. તમને જણાવી દઈએ કે સોમવારે શરૂઆતી કારોબારમાં શેરબજારની સ્થિતિ પણ ઘણી ખરાબ છે. સેન્સેક્સ 1466 પોઈન્ટના ઘટાડા સાથે ખુલ્યો છે.
રૂપિયો 31 પૈસા ઘટીને રૂ. 80.15 થયો
અત્યારે વિદેશી બજારોમાં કાચા તેલમાં ઘટાડો જોવા મળી રહ્યો છે, પરંતુ રૂપિયો નબળો પડવાને કારણે સામાન્ય લોકોને તેનો લાભ મળી રહ્યો નથી. વિશ્વના બજારોમાં કોમોડિટીના ભાવ ઘટશે અને ડોલર સામે રૂપિયો મજબૂત સ્થિતિમાં આવશે ત્યારે જ સામાન્ય લોકોને ફાયદો થશે. જોકે તાજેતરના ઘટાડાને જોતા રૂપિયો આટલો જલ્દી મજબૂત થવાની કોઈ શક્યતા નથી. સતત કેટલાય દિવસોથી ડોલર સામે રૂપિયો નીચા સ્તરે ટ્રેડ થઈ રહ્યો છે.
