ડીસામાં યોજાયો તાલુકા કક્ષાનો યુવક મહોત્સવ

પાલનપુર: ડીસામાં તાલુકા કક્ષાનો યુવક મહોત્સવ એ સરસ્વતી હાઈસ્કૂલ ખાતે યોજાયો હતો. જેમાં સરદાર પટેલ હાઇસ્કુલે વિવિધ કૃતિઓમાં 14 સ્પર્ધકોએ ભાગ લીધો હતો. જેમાં માળી ક્રિષ્ના નેમાભાઈ – વકૃત્વ સ્પર્ધામાં પ્રથમ રહ્યા હતા. પઢિયાર અંજલી મોતીલાલ – નિબંધ સ્પર્ધામાં પ્રથમ, માળી વિજય મહેશભાઈ એ સરસ મજાની માટીમાંથી ગણપતિનું શિલ્પ બનાવીને – સર્જનાત્મક કૃતિમાં પ્રથમ રહ્યા હતા. તો હળવા કંઠયસંગીતમાં નાઈ હિતેશા પ્રકાશભાઈ પ્રથમ સ્થાન મેળવ્યું હતું.

આમ ચારે વિદ્યાર્થીઓએ તાલુકામાં પ્રથમ સ્થાન મેળવીને શાળાનું ગૌરવ વધારયુ હતું. જે બદલ વિદ્યાર્થીઓ અને માર્ગદર્શકોને અભિનંદન પાઠવવામાં આવ્યા હતા. હવે પછી જિલ્લા કક્ષાએ યોજાનારી સ્પર્ધામાં પણ અગ્રેસર રહે તેવી શુભકામના પાઠવવામાં આવી હતી.