રાજ્યમાં દિવસેને દિવસે મોધવારી વધી રહી છે ત્યારે ફરી એક વાર ખાદ્યતેલના ભાવમાં વધારો ઝીકવામાં આવ્યો છે. સિંગતેલના ભાવમાં 70 રૂપિયાનો વધારો થયો છે. જેને પગલે સિંગતેલના ડબ્બાનો ભાવ 3000 રૂપિયા થયો છે.
સિંગતેલના ભાવમાં વધારો
નોધનીય બાબત છે કે ખાદ્યતેલમાં સિંગતેલના ભાવમાં છેલ્લા એક સપ્તાહમાં ડબ્બા દીઠ 100 થી 125 રૂપિયાનો વધારો થતા સિંગતેલના ડબ્બાનો ભાવ પ્રથમવાર 3 હજારને પાર પહોંચ્યો છે.વારંવાર સિંગતેલના ભાવમાં વધારો નોંધાતા સામાન્ય જનતાને હાલાકી સહન કરવાનો વારો આવ્યો છે.
છેલ્લા 15 દિવસમાં સિંગતેલના ભાવમાં રૂપિયા 180નો વધારો
સાતમ આઠમ પછી સિંગતેલમાં તોતિંગ વધારો થયો છે. સિંગતેલમાં ડબ્બાએ 70 રૂપિયાનો ભાવ વધારો ઝીંકાયો છે. આ ભાવ વધારાની સાથે જ સિંગતેલ ડબ્બાનો ભાવ 3 હજાર રૂપિયાની રેકોર્ડ ઉંચાઈએ પહોંચ્યો છે. છેલ્લા 15 દિવસમાં સિંગતેલના ભાવમાં 180 રૂપિયાનો વધારો થયો છે. જેને લઇ મધ્યમ વર્ગની કમર ભાંગી ગઇ છે. ગૃહિણીનું બજેટ ખોરવાયુ છે.
