ગુજરાતમાં એક તરફ ચૂંટણીની તૈયારીઓ કરી રહેલા દિલ્હીના મુખ્યમંત્રી અરવિંદ કેજરીવાલની આમ આદમી પાર્ટીની દિલ્હીમાં જ મુશ્કેલી વધી રહી હોય તેવું લાગી રહ્યું છે. એક માહિતી અનુસાર આમ આદમી પાર્ટીના અનેક ધારાસભ્યો આઉટ ઓફ કવરેજ હોવાનો દાવો કરવામાં આવી રહ્યો છે. આ દરમિયાન આમ આદમી પાર્ટીએ પોતાના ધારાસભ્યોની બેઠક બોલાવી છે.
આજે સવારે 11 વાગે મુખ્યમંત્રી અરવિંદ કેજરીવાલના નિવાસ સ્થાને બેઠક છે. જેમાં દિલ્હીમાં આમ આદમી પાર્ટીના કુલ 62 ધારાસભ્યો છે. જેમાં અત્યાર સુધી 30 આસપાસ ધારાસભ્યો પહોંચ્યા હોવાના સમાચાર છે. આમ આદમી પાર્ટીના ધારાસભ્યોની બેઠક એવા સમયે થઇ રહી છે જ્યારે તેમના ધારાસભ્યો ભાજપ પર ખરીદવા માટે પ્રલોભન આપવાનો આરોપ લગાવી રહ્યા છે.
Yesterday message was communicated and the MLAs with whom contact could not be established will be done and all MLAs will be present in the meeting: AAP MLA Dilip Pandey ahead of the meeting of AAP MLAs called by Delhi CM Kejriwal pic.twitter.com/MrVWj9STAU
— ANI (@ANI) August 25, 2022
આપના ધારાસભ્યોએ શું લગાવ્યા આરોપ
આમ આદમી પાર્ટીના ચાર ધારાસભ્યોએ બુધવારે એક પ્રેસ કોન્ફરન્સમાં આરોપ લગાવ્યો હતો કે બીજેપીએ તેમને 20-20 કરોડ રૂપિયાની ઓફર આપી હતી. તેમનું કહેવું હતું કે તેમને કહેવામાં આવ્યું છે કે જો બીજેપીમાં ના આવ્યા તો મનીષ સિસોદીયાની જેમ સીબીઆઈ અને ઇડીના નકલી કેસ કરવામાં આવશે. આપના રાષ્ટ્રીય પ્રવક્તા અને રાજ્યસભા સાંસદ સંજય સિંહનું કહેવું છે કે આપના ધારાસભ્ય અજય દત્ત, સંજીવ ઝા, સોમનાથ ભારતી અને કુલદીપ કુમારનો બીજેપી નેતાઓએ સંપર્ક સાધ્યો હતો.
We are absolutely certain that all AAP MLAs are with the party and will remain with the party. The Meeting (of party MLAs called by Delhi CM Arvind Kejriwal) is scheduled to begin at 11 am. I expect all MLAs to arrive by then: Delhi AAP MLA Atishi pic.twitter.com/Xzhm0HZSiw
— ANI (@ANI) August 25, 2022
આ દરમિયાન પાર્ટી સૂત્રોએ કહ્યું કે પાર્ટી નેતૃત્વનો પોતાના કેટલાક ધારાસભ્યો સાથે સંપર્ક થઇ શક્યો નથી. તેમને ડર સતાવી રહ્યો છે કે ભાજપ તેમના કેટલાક ધારાસભ્યોને તોડી ના દે. જો કે આ મામલે હજી સુધી કોઈ પણ આધિકારીક નિવેદન સામે આવ્યા નથી.
