કોંગ્રેસ પાર્ટીના પ્રમુખની ચૂંટણીનું કાઉન્ટડાઉન શરૂ થઈ ગયું છે, પરંતુ હજુ સુધી કોઈ ચહેરો સામે આવ્યો નથી. રાહુલ ગાંધીનું નામ સૌથી વધુ ચર્ચામાં છે અને કોંગ્રેસીઓ પણ તેમને પદ સંભાળવા માટે અપીલ કરી રહ્યા છે, પરંતુ તેમણે આ અંગે અનિચ્છા વ્યક્ત કરી છે. દરમિયાન કોંગ્રેસના સૂત્રોનું કહેવું છે કે પાર્ટીના વરિષ્ઠ નેતાઓએ સોનિયા ગાંધીને 2024 સુધી આ પદ પર ચાલુ રહેવાની અપીલ કરી છે. આ નેતાઓનું કહેવું છે કે ગાંધી પરિવાર સિવાય કોઈ પાર્ટીને એકજૂટ નહીં રાખી શકે. જો આમ નહીં થાય તો પાર્ટી તૂટી શકે છે અને 2024 પછી પ્રિયંકા ગાંધીને કમાન સોંપવી જોઈએ.
Rahul's reluctance paving way for non Gandhi President for Congress, Sonia Gandhi urges Ashok Gehlot to lead
Read @ANI Story | https://t.co/2RzrriLQah#Rahul_Gandhi #Congresspresident #AshokGehlot pic.twitter.com/9MaGqsOKzY
— ANI Digital (@ani_digital) August 24, 2022
આ દરમિયાન સોનિયા ગાંધીએ અશોક ગેહલોતનું નામ સૂચવ્યું છે. તેમનું કહેવું છે કે જો ગાંધી પરિવારમાંથી કોઈ પ્રમુખ ન બને તો અશોક ગેહલોતને રાષ્ટ્રીય અધ્યક્ષ બનાવવા જોઈએ. સૂત્રોનું કહેવું છે કે અશોક ગેહલોતે બે નેતાઓ સાથેની બેઠકમાં પણ આ વાત કહી છે. દરમિયાન રાહુલ ગાંધી, પ્રિયંકા ગાંધી અને સોનિયા ગાંધી સારવાર માટે વિદેશ જવાના છે. વાસ્તવમાં સોનિયા ગાંધીનું ચેકઅપ થવાનું છે અને આ દરમિયાન રાહુલ અને પ્રિયંકા પણ તેમની સાથે હશે. કોંગ્રેસ અધ્યક્ષની ચૂંટણીનો કાર્યક્રમ આગામી થોડા દિવસોમાં જ જાહેર થવાનો છે. આ અંગે 28 ઓગસ્ટના રોજ બેઠક મળવાની છે.
ગાંધી પરિવારમાંથી કોઈ આગળ ન આવવાને કારણે હવે અશોક ગેહલોતનું નામ મોખરે છે. આ સિવાય પ્રમુખ પદ માટે મુકુલ વાસનિક, કેસી વેણુગોપાલ, કુમારી સેલજા, મલ્લિકાર્જુન ખડગે, ભૂપેશ બઘેલના નામ પણ ચર્ચામાં છે. કોંગ્રેસે કહ્યું હતું કે અધ્યક્ષની ચૂંટણીની પ્રક્રિયા 21 ઓગસ્ટથી શરૂ થશે અને 20 સપ્ટેમ્બર સુધી ચાલશે. જો કે હજુ સુધી રાહુલ ગાંધીએ પોતાનું સ્ટેન્ડ ક્લિયર કર્યું નથી. અન્ય કોઈ નેતાનું નામ જાહેર કરવામાં આવ્યું નથી. દરમિયાન કોંગ્રેસે 7 સપ્ટેમ્બરથી કન્યાકુમારીથી યાત્રા કાઢવાનો નિર્ણય કર્યો છે. આ માર્ચ 148 દિવસ સુધી ચાલશે અને કાશ્મીર સુધી જશે. 5 મહિનાની આ યાત્રા 3,500 કિમીનું અંતર કાપશે. દરરોજ 25 કિમીની યાત્રા કરવામાં આવશે.
