એલોપેથી અને ડૉકટરો પર નિવેદનબાજીના કારણે યોગ ગુરુ બાબા રામદેવની મુશ્કેલીઓ વધી રહી છે. હવે સુપ્રીમ કોર્ટે આ મામલે રામદેવ પર સવાલ ઉઠાવ્યા છે. તેમને ખુલાસો આપવા પણ કહેવામાં આવ્યું છે. આ પહેલા દિલ્હી હાઈકોર્ટે પણ લોકોને એલોપેથી વિરુદ્ધ બોલીને ગેરમાર્ગે ન દોરવાની સલાહ આપી હતી.
સુપ્રીમ કોર્ટે ઈન્ડિયન મેડિકલ એસોસિએશનની અરજી પર પતંજલિ આયુર્વેદ અને કેન્દ્ર સરકારને પણ નોટિસ પાઠવી છે. એલોપેથીને બદનામ કરતી જાહેરાતો બતાવવા બદલ કોર્ટે ખુલાસો માંગ્યો છે. ભારતના મુખ્ય ન્યાયાધીશ એનવી રમનાએ મૌખિક રીતે કહ્યું, ‘બાબા તેમની સિસ્ટમને લોકપ્રિય બનાવી શકે છે, પરંતુ શા માટે અન્યની ટીકા કરો. અમે તેમનું સન્માન કરીએ છીએ. તેમણે યોગને લોકપ્રિય બનાવ્યું છે. પરંતુ તેણે અન્ય વ્યવસ્થાઓ વિશે ખોટું બોલવાનું ટાળવું જોઈએ.
CJIની આગેવાની હેઠળની બેન્ચે પૂછ્યું કે, “બાબા રામદેવ જેનું પાલન કરશે તેની શું ગેરંટી છે, તે બધું ઠીક કરી દેશે.” અરજીમાં IMAએ આધુનિક દવા વિરુદ્ધ ચાલી રહેલા અભિયાનને નિયંત્રિત કરવાની માગ કરી હતી.
હાઈકોર્ટે પણ ઠપકો આપ્યો
બાબા રામદેવે અમેરિકી રાષ્ટ્રપતિ જો બિડેન વિશે કહ્યું હતું કે તેઓ રસી લીધા પછી પણ કોરોનાનો શિકાર બન્યા હતા. આ સાથે તેમણે તેને મેડિકલ સાયન્સની નિષ્ફળતા પણ ગણાવી હતી. તેના પર જસ્ટિસ અનૂપ જયરામે કહ્યું હતું કે, ‘પહેલાં મને ચિંતા હતી કે આયુર્વેદનું સારું નામ બગડી રહ્યું છે. હું આ અંગે ચિંતિત છું. આયુર્વેદ એક પ્રાચીન ઔષધ પદ્ધતિ છે. આયુર્વેદનું નામ બદનામ કરવા માટે કંઈ ન કરો.’
તેમણે કહ્યું હતું કે, ‘અહીં બીજા લોકોના નામ લેવામાં આવી રહ્યા છે. આનાથી આપણા સંબંધો, દેશના સંબંધો પર આંતરરાષ્ટ્રીય પરિણામો આવી શકે છે… નેતાઓના નામ લેવામાં આવી રહ્યા છે, જેઓ વિદેશી રાષ્ટ્રો સાથેના આપણા સંબંધોને અસર કરી શકે છે.’ રામદેવના એલોપેથી વિરુદ્ધના નિવેદનો બદલ અનેક ડોક્ટરોના સંગઠનોએ તેમની સામે કેસ દાખલ કર્યો હતો.
