દિલ્હીમાં આમ આદમી પાર્ટીના નેતા અને દિલ્હીના ડેપ્યુટી સીએમ મનીષ સિસોદિયાના ઘરે સેન્ટ્રલ બ્યુરો ઓફ ઈન્વેસ્ટિગેશન (CBI)ના દરોડા પડ્યા છે. આશરે દિલ્હી-એનસીઆરના 20 સ્થાનો પર CBI આજે વહેલી સવારથી દરોડા પાડ્યા છે. જેના પછી ફરી એક વખત રાજકારણ પણ શરૂ થયું છે. ડેપ્યુટી સીએમ સિસોદિયાએ કહ્યું કે અમે તપાસ એજન્સીઓને પૂરી ઈમાનદારી સાથે સહયોગ કરીશું.
શા માટે પડ્યા દરોડા ?
CBI એ આ દરોડા એક્સાઈઝ પોલિસીના મામલામાં પાડ્યા છે. જેમાં દિલ્હીના લેફ્ટનન્ટ ગવર્નર વિનય સક્સેનાએ CBI તપાસની ભલામણ કરી હતી. દિલ્હીના મુખ્ય સચિવના રિપોર્ટ બાદ એલજી વીકે સક્સેનાએ આ પગલું ભર્યું છે. આ રિપોર્ટમાં મનીષ સિસોદિયાની ભૂમિકા પર પણ સવાલો ઉઠાવવામાં આવ્યા છે. વાસ્તવમાં, દિલ્હીનું એક્સાઈઝ વિભાગ મનીષ સિસોદિયા હેઠળ છે. તેથી કાર્યવાહી હાથધરવામાં આવી હોવાનું માનવામાં આવી રહ્યું છે.
सीबीआई आई है. उनका स्वागत है. हम कट्टर ईमानदार हैं . लाखों बच्चों का भविष्य बना रहे हैं.
बहुत ही दुर्भाग्यपूर्ण है कि हमारे देश में जो अच्छा काम करता है उसे इसी तरह परेशान किया जाता है. इसीलिए हमारा देश अभी तक नम्बर-1 नहीं बन पाया.
— Manish Sisodia (@msisodia) August 19, 2022
CBI આવો તમારું સ્વાગત છે : મનીષ સિસોદિયા
મનીષ સિસોદીયાએ ટ્વિટ કરી લખ્યું કે, CBI આવો તમારું સ્વાગત છે, અમે ઈમાનદાર છીએ. લાખો બાળકોનું ભવિષ્ય બનાવી રહ્યા છીએ. તેમણે કહ્યું કે દુર્ભાગ્યપૂર્ણ છે કે આપણા દેશમાં જે સારું કામ કરે છે, તેને આવી રીતે જ પરેશાન કરવામાં આવે છે. આજ કારણે આપણો દેશ હજુ સુધી નંબર વન બની શક્યો નથી.
दिल्ली के शिक्षा और स्वास्थ्य मॉडल की पूरी दुनिया चर्चा कर रही है।इसे ये रोकना चाहते हैं।इसीलिए दिल्ली के स्वास्थ्य और शिक्षा मंत्रियो पर रेड और गिरफ़्तारी
75 सालों में जिसने भी अच्छे काम की कोशिश की,उसे रोका गया।इसीलिए भारत पीछे रह गया
दिल्ली के अच्छे कामों को रुकने नहीं देंगे
— Arvind Kejriwal (@ArvindKejriwal) August 19, 2022
‘દિલ્હીના સારા કામોને રોકવા નહિ’
દિલ્હીના મુખ્યમંત્રી અરવિંદ કેજરીવાલે મનીષ સિસોદિયા પર CBIના દરોડાને લઈને કેન્દ્ર સરકાર પર નિશાન સાધ્યું છે. સીએમ કેજરીવાલે ટ્વિટ કરીને કહ્યું છે કે, આખી દુનિયા દિલ્હીના શિક્ષણ અને સ્વાસ્થ્ય મોડલની ચર્ચા કરી રહી છે. તેઓ આને રોકવા માંગે છે, તેથી જ દિલ્હીના આરોગ્ય અને શિક્ષણ મંત્રીઓ પર દરોડા અને ધરપકડો ચાલી રહી છે. 75 વર્ષમાં જેણે પણ સારું કામ કરવાનો પ્રયાસ કર્યો તેને રોકી દેવામાં આવ્યો. જેના કારણે ભારત પાછળ રહી ગયું. પરંતુ અમે દિલ્હીના સારા કામને રોકવા નહીં દઈએ.
આ પણ વાંચો : Gujarat Election 2022: AAPએ બીજા 9 ઉમેદવારોના નામ જાહેર કર્યા
