રાહુલ ગાંધીની નેપાળ મુલાકાતઃ મિત્રના લગ્નમાં હાજરી આપવા કાઠમંડુ પહોંચ્યા, પાંચ દિવસ વિતાવશે

કાઠમંડુઃ કોંગ્રેસ નેતા રાહુલ ગાંધી સોમવારે પાંચ દિવસની મુલાકાતે નેપાળ પહોંચ્યા હતા. સોમવારે સાંજે તેમને ત્રિભુવન ઈન્ટરનેશનલ એરપોર્ટ પર જોવામાં આવ્યા હતા. નેપાળમાં તેમના રોકાણ દરમિયાન તે કેટલાક પ્રવાસન સ્થળોની મુલાકાત લઈ શકે છે. ધ કાઠમંડુ પોસ્ટ અનુસાર, પૂર્વ કોંગ્રેસ અધ્યક્ષ રાહુલ ગાંધી નેપાળથી તેમની મિત્ર સુમનિમા ઉદાસના લગ્નમાં હાજરી આપવા માટે કાઠમંડુમાં છે. સુમનિમાના પિતા ભીમ ઉદાસે કહ્યું કે, અમે રાહુલ ગાંધીને મારી દીકરીના લગ્નમાં આવવા આમંત્રણ આપ્યું હતું.

CNNના ભૂતપૂર્વ સંવાદદાતા સુમનિમા
નીમા માર્ટિન શેરપા સાથે લગ્ન કરી રહી છે. દુલ્હનના પિતા ભીમે જણાવ્યું કે, લગ્ન સમારોહ મંગળવારે યોજાનાર છે અને 5 મેના રોજ બુદ્ધની હયાત રિજન્સી હોટેલમાં રિસેપ્શનનું આયોજન કરવામાં આવશે. અખબારના અહેવાલ મુજબ, લગ્નમાં કેટલીક અન્ય ખૂબ જ મહત્વપૂર્ણ ભારતીય સેલિબ્રિટીઓ પણ પહોંચી છે.

રાહુલ 2018માં કૈલાશ માનસરોવરની મુલાકાત લેવા કાઠમંડુ આવ્યા હતા
આ પહેલાં ઓગસ્ટ 2018માં રાહુલ ગાંધી કૈલાશ માનસરોવરની મુલાકાત લેવા કાઠમંડુ આવ્યા હતા. ત્યારબાદ તેમના કૈલાશ માનસરોવર પ્રવાસની ભારતના રાજકારણમાં પણ ખૂબ ચર્ચા થઈ હતી. રાહુલ ગાંધી નેપાળના કોઈ વરિષ્ઠ નેતાને મળશે કે કેમ કે તેમની મુલાકાત બિનરાજકીય રહેશે કે કેમ તે હજુ સુધી જાણી શકાયું નથી.