આસામના સોનિતપુરમાં ફૂટબોલ મેચ મામલે મિત્રો વચ્ચે ઝગડો; એકે બીજાનું માથું કાપી નાંખ્યું

નેશનલ ડેસ્કઃ ફૂટબોલ મેચ દરમિયાન ઝઘડાની ઘણી ઘટનાઓ સામે આવતી રહે છે, પરંતુ આસામમાંથી જે સનસનાટીભરી ઘટના સામે આવી છે. તે કદાચ ખૂબ જ ડરામણી છે. અહીં ફૂટબોલ મેચ દરમિયાન બે મિત્રો એટલો ઝઘડો કર્યો કે, એકે બીજાનું માથું કાપી નાખ્યું. એટલું જ નહીં તે કપાયેલું માથું લઈને નજીકના પોલીસ સ્ટેશને પણ પહોંચ્યો હતો.

ફૂટબોલ મેચ પછી તરત જ આ ઘટના બની હતી

આ ઘટના આસામના સોનિતપુર જિલ્લાની છે. ત્યાંના રંગપાડા પોલીસ સ્ટેશન વિસ્તારમાં આ ઘટના બની છે. મીડિયા રિપોર્ટ્સ અનુસાર, આ ઘટના સોમવારે દોયાલુર વિસ્તારમાં સ્વતંત્રતા દિવસ નિમિત્તે આયોજિત ફૂટબોલ મેચ સમાપ્ત થયા બાદ બની હતી. આ મેચમાં બે મિત્રોએ પાંચસો રૂપિયાની શરત લગાવી હતી. શરત એવી હતી કે જે હારશે તેણે પૈસા ચૂકવવા પડશે.

પાંચસો રૂપિયાની શરતે પરિણામ આવ્યું

એક પોલીસ અધિકારીએ જણાવ્યું કે, તુનીરામ એક ટીમને સપોર્ટ કરી રહ્યો હતો, જ્યારે હેમરામ બીજી ટીમનો ચાહક હતો. ત્યારે હેમરામે શરત જીતીને પૈસા માંગ્યા પણ તુનીરામે પૈસા આપ્યા નહીં. મામલો એટલો વધી ગયો કે ગુસ્સામાં તુનીરામે તેની થેલીમાંથી તિક્ષ્ણ હથિયાર કાઢી તેનું માથું કાપી નાખ્યું.

આરોપી કપાયેલું માથું લઈને પોલીસ સ્ટેશન પહોંચ્યો હતો

આ પછી ત્યાં હાજર તમામ લોકો સ્તબ્ધ થઈ ગયા. ત્યારબાદ સોમવારે મોડી રાત્રે આરોપી કપાયેલું માથું લઈને રંગપરા પોલીસ સ્ટેશન પહોંચ્યો હતો. ત્યાં હાજર પોલીસકર્મીઓ પણ આશ્ચર્યચકિત થઈ ગયા હતા. જોકે, આરોપીને તાત્કાલિક કસ્ટડીમાં લેવામાં આવ્યો હતો. હાલ આ મામલે તપાસ શરૂ કરવામાં આવી છે.