તિરુમાલા મંદિર ઉપરથી પસાર થયું વિમાન, TTD અને ભક્તોનો ગુસ્સો ફૂટ્યો; જાણો સમગ્ર મામલો
તિરુપતિ, 27 માર્ચ 2025 : થોડા દિવસો પહેલા, આંધ્રપ્રદેશના તિરુપતિમાં તિરુમાલા મંદિર પ્રશાસને કેન્દ્રીય નાગરિક ઉડ્ડયન મંત્રાલયને તિરુમાલા મંદિરને ‘નો ફ્લાય ઝોન’ તરીકે જાહેર કરવાની માંગ કરી હતી. ગુરુવારે સવારે ફરી એકવાર શ્રદ્ધાળુઓનો રોષ ફાટી નીકળ્યો હતો. વાસ્તવમાં, એક પ્લેન મંદિરની ઉપરથી પસાર થયું, જેના પર ભક્તોએ વાંધો વ્યક્ત કર્યો. તિરુમાલા તિરુપતિ દેવસ્થાનમ્સ (TTD) એ નાગરિક ઉડ્ડયન મંત્રાલયને પત્ર લખીને માંગણી કરી હતી કે તે સુનિશ્ચિત કરે કે વિમાન મંદિરની ઉપરથી ઉડે નહીં. ANIના અહેવાલ મુજબ, આ માટે તેણે આગમ શાસ્ત્રની માર્ગદર્શિકા ટાંકી હતી.
1 માર્ચના રોજ પત્ર લખવામાં આવ્યો હતો
1 માર્ચના રોજ, ટીટીડીના અધ્યક્ષ બીઆર નાયડુએ કેન્દ્રીય નાગરિક ઉડ્ડયન મંત્રી કિંજરાપુ રામમોહન નાયડુને નો ફ્લાય ઝોનની માંગણી કરતો પત્ર લખ્યો હતો. પત્રમાં નાયડુએ મંદિરની પવિત્રતા, સુરક્ષાની ચિંતાઓ અને ભક્તોની ભાવનાઓનું ધ્યાન રાખવાનો ઉલ્લેખ કર્યો હતો. તેમણે કહ્યું કે તિરુમાલા ઉપર ઓછી ઉંચાઈ પર ઉડતા વિમાનો અને હેલિકોપ્ટર શ્રી વેંકટેશ્વર મંદિર અને આસપાસના વિસ્તારોના પવિત્ર વાતાવરણને ખલેલ પહોંચાડે છે. ટ્રસ્ટે કહ્યું હતું કે જો તિરુમાલાને નો-ફ્લાય ઝોન જાહેર કરવામાં આવે તો તીર્થસ્થળની પવિત્રતા, સાંસ્કૃતિક અને આધ્યાત્મિક વારસાને સાચવવામાં સરળતા રહેશે.
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો
https://chat.whatsapp.com/K2iNelyylPD9ZoDNpMuN9o
તાત્કાલીક કાર્યવાહી કરવા માંગ
ટીટીડીએ કેન્દ્રીય મંત્રીને આ મામલે તાત્કાલિક પગલાં લેવા વિનંતી કરી હતી. બીઆર નાયડુએ સોશિયલ મીડિયા પોસ્ટમાં પણ પોતાની માંગ ઉઠાવી હતી. કેન્દ્રીય મંત્રી રામ મોહન નાયડુ કિંજરાપુએ પણ આ પત્રનો જવાબ આપ્યો હતો. તેમણે કહ્યું હતું કે અધિકારીઓ વૈકલ્પિક ફ્લાઇટ માર્ગો શોધવા માટે એર ટ્રાફિક નિયંત્રકો સાથે ચર્ચા કરી રહ્યા છે. હૈદરાબાદમાં આયોજિત પ્રેસ કોન્ફરન્સમાં તેમણે કહ્યું કે અમે નેવિગેશન અને એર ટ્રાફિક કંટ્રોલર સાથે રસ્તો શોધી રહ્યા છીએ. ઘણા ધાર્મિક સ્થળોએ નો ફ્લાય ઝોન જાહેર કરવા અંગે અમને પત્રો મોકલ્યા છે. અમે વિકલ્પો શોધી રહ્યા છીએ. જો કે, નાયડુએ એ પણ સ્પષ્ટ કર્યું કે કોઈપણ વિસ્તારને નો ફ્લાય ઝોન તરીકે જાહેર કરવાની કોઈ જોગવાઈ નથી.
આ પણ વાંચો : ચીનના ડૉકટરોની કરામત, પહેલીવાર વ્યક્તિના શરીરમાં ટ્રાન્સપ્લાન્ટ કર્યું ભુંડનું લિવર
