મેરઠ હત્યા કેસમાં મોટો ખુલાસોઃ મુસ્કાને દુકાનદારને છેતરીને આ રીતે ખરીદ્યું હતું ‘મોતનું ઈન્જેક્શન’

મેરઠ, તા. 23 માર્ચ, 2025: ઉત્તર પ્રદેશના મેરઠના સૌરભ રાજપૂતની હત્યાની તપાસ ચાલી રહી છે. હત્યાના મુખ્ય આરોપી મુસ્કાન રસ્તોગીએ એન્ટી-ડિપ્રેશન ઇન્જેક્શન સહિતની દવાઓ ખરીદી હતી તે મેડિકલ સ્ટોર પર ડ્રગ્સ વિભાગે પોલીસ સાથે મળીને દરોડો પાડ્યો હતો. ડ્રગ્સ વિભાગની ટીમ શહેરના ખૈર નગર સ્થિત ઉષા મેડિકલ સ્ટોર પર પહોંચી હતી. ડ્રગ્સ ઇન્સ્પેક્ટરની આગેવાની હેઠળની ટીમે સ્ટોર માલિકની પૂછપરછ કર્યા પછી જરૂરી માહિતી એકત્રિત કરી કે હત્યામાં વપરાયેલ એનેસ્થેસિયાનું ઇન્જેક્શન આ જ દુકાનમાંથી ખરીદવામાં આવ્યું હતું.

મેડિકલ સ્ટોર સંચાલકે શું કહ્યું

મુસ્કાન 1 માર્ચે ઉષા મેડિકલ સ્ટોર પહોંચી હતી. તેને તેના વૃદ્ધ પિતા માટે દવાની જરૂર છે. સ્ટોર સંચાલક કહ્યું તેણે તેને ડૉક્ટરના પ્રિસ્ક્રિપ્શન પર લખેલી દવાઓ આપી હતી, જેમાં ટાગારા ટેબ્લેટ, મેઝોલમ ઇન્જેક્શન અને ડાયજેન નામનો સમાવેશ થતો હતો. આ ત્રણ દવાઓમાંથી, મેઝોલમ ઇન્જેક્શનનો ઉપયોગ ડિપ્રેશન વિરોધી દવા તરીકે થાય છે. મુસ્કાન રસ્તોગીએ આ ઇન્જેક્શન તેના પતિ સૌરભ રાજપૂતને આપ્યું હતું અને તેને બેભાન કરી દીધો હતો.

મુસ્કાન રસ્તોગી દ્વારા ખરીદેલી ત્રણ દવાઓ પર નજર કરીએ, તો તેમાંથી બે દવાઓ ડૉક્ટરના પ્રિસ્ક્રિપ્શન વિના ખરીદી શકાય છે. તેણીએ ખૂબ જ ચાલાકીપૂર્વક બે સામાન્ય દવાઓ વચ્ચે આ ઇન્જેક્શન ખરીદ્યું અને તેનો ઉપયોગ તેના પતિની હત્યા કરવા માટે કર્યો હતો. ડ્રગ્સ ઇન્સ્પેક્ટરે કહ્યું જો પ્રિસ્ક્રિપ્શન વિના દવાઓ આપવાનો મામલો

ઉત્તર પ્રદેશ પોલીસે કહ્યું કે તેઓ સૌરભ રાજપૂત હત્યા કેસને ફાસ્ટ-ટ્રેક કોર્ટમાં લઈ જવાની યોજના બનાવી રહ્યા છે. વરિષ્ઠ પોલીસ અધિક્ષક વિપિન તાડાએ જણાવ્યું હતું કે પોલીસ શક્ય તેટલી વહેલી તકે આ કેસમાં ચાર્જશીટ દાખલ કરવાને પ્રાથમિકતા આપશે. તેમણે કહ્યું, આરોપીઓને શક્ય તેટલી વહેલી તકે સજા મળી શકેતે માટે અમે કેસને ફાસ્ટ-ટ્રેક કોર્ટમાં ચલાવવાનો પ્રયાસ કરીશું. પોલીસ મુસ્કાન અને સાહિલને 14 દિવસની ન્યાયિક કસ્ટડી પૂરી થયા પછી પોતાની કસ્ટડીમાં લેવાનો પ્રયાસ કરશે. જેમાં બીજા અનેક ચોંકાવનારા ખુલાસા થઈ શકે છે.

આ પણ વાંચોઃ ઈશાન કિશને આઈપીએલ 2025ની ફટકારી પ્રથમ સદી. રાજસ્થાનના બોલરોની નિર્દયતાથી કરી ધોલાઈ