QR કોડ સ્કેન કરવું ભારે પડશે, નાની ભૂલોથી થશે મોટું નુકસાન; આ બાબતોનું રાખજો ધ્યાન
HD ન્યુઝ ડેસ્ક : ઓનલાઈન ફ્રોડના કિસ્સાઓ ઝડપથી વધી રહ્યા છે. સાયબર ગુનેગારો દરરોજ નવી પદ્ધતિઓનો ઉપયોગ કરીને યુઝર્સ સાથે ફ્રોડ કરી રહ્યા છે. QR કોડનો ઉપયોગ કરીને થતા સ્કેમ પણ આમાંથી એક છે. આ સ્કેમના ભયને ધ્યાનમાં રાખીને, CERT-In (ઇલેક્ટ્રોનિક્સ અને માહિતી ટેકનોલોજી મંત્રાલય) એ તેના સત્તાવાર X એકાઉન્ટ પરથી કેટલીક મહત્ત્વપૂર્ણ સલામતી ટિપ્સ શેર કરી છે. આ સલામતી ટિપ્સનું પાલન કરીને તમે QR કોડ દ્વારા સ્કેમથી પોતાને બચાવી શકો છો. CERT-In એ તેના X એકાઉન્ટ પરથી એક પોસ્ટર શેર કર્યું છે, જેમાં QR કોડ સ્કેન કરતી વખતે ધ્યાનમાં રાખવા જેવી બાબતોનો ઉલ્લેખ છે.
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો
https://chat.whatsapp.com/FU8bgMOynfgJl4wCoEeiJw
https://chat.whatsapp.com/K2iNelyylPD9ZoDNpMuN9o
શેર કરાયેલા પોસ્ટરમાં, CERT-In એ જણાવ્યું હતું કે સ્કેમર્સ નકલી QR કોડનો ઉપયોગ કરીને યુઝર્સને મલીશિયસ વેબસાઇટ્સ પર રીડાયરેક્ટ કરે છે અથવા તેમને ફેક એપ્લિકેશન ઇન્સ્ટોલ કરવાનું કહે છે જેથી તેઓ યૂઝર નેમ, પાસવર્ડ વગેરે જેવી સંવેદનશીલ માહિતી મેળવી શકે. આ કૌભાંડથી બચવા માટે, CERT-In ના આ મુદ્દાઓ ધ્યાનમાં રાખો:
Safety tip : Think before you scan.#indiancert #cyberswachhtakendra #staysafeonline #cybersecurity #besafe #staysafe #mygov #Meity #onlinefraud #cybercrime #scamming #cyberalert #CSK #CyberSecurityAwareness pic.twitter.com/mtJTPIx3ho
— CERT-In (@IndianCERT) March 18, 2025
1- કોઈપણ QR કોડ સ્કેન કરતી વખતે, ખાતરી કરો કે તે વિશ્વસનીય સ્ત્રોતમાંથી છે.
2- QR કોડ સ્કેન કરતી વખતે, ખાતરી કરો કે તે તમને કોઈપણ ટૂંકા URL પર રીડાયરેક્ટ તો નથી કરી રહ્યો.
૩- જાહેર સ્થળોએ હાજર QR કોડથી સાવધ રહો. ઘણીવાર, છેતરપિંડી કરનારાઓ જાહેર સ્થળોએ લગાવેલા પોસ્ટરો પર નકલી QR કોડ ચોંટાડે છે, જે સ્કેન કરવામાં આવે ત્યારે ફ્રોડ વેબસાઇટ પર રીડાયરેક્ટ થઈ જાય છે.
સાયબર ફ્રોડ અંગે ફરિયાદ કરવા માટે, 1930 ડાયલ કરો
સાયબર ફ્રોડ અંગે ફરિયાદ કરવા માટે, તમે CERT-In વેબસાઇટ – www.cybercrime.gov.in ની મુલાકાત લઈ શકો છો. જો તમે ઇચ્છો તો, તમે 1930 પર કૉલ કરીને પણ તમારો રિપોર્ટ નોંધાવી શકો છો. નિયમિત અપડેટ્સ માટે તમે ફેસબુક અને ઇન્સ્ટાગ્રામ પર CERT-In ને ફોલો કરી શકો છો.
આ પણ વાંચો : IPL 2025: મુંબઈ ઈન્ડિયન્સની પહેલી મેચમાં આ ખેલાડી કરશે કપ્તાની, હાર્દિક પંડ્યાએ જાતે જ કર્યું એલાન
