સુનીતા વિલિયમ્સ પરત ફર્યા હવે વધુ એક ભારતીય અંતરિક્ષ વિજ્ઞાની અવકાશમાં જશે, 14 દિવસ રહીને નવો કીર્તિમાન સર્જશે

નવી દિલ્હી, 19 માર્ચ 2025: ભારતીય મૂળના અમેરિકી અંતરિક્ષ યાત્રી સુનીતા વિલિયમ્સ 286 દિવસ સુધી અંતરિક્ષમાં રહ્યા બાદ આજે સવારે સ્પેસએક્સના ડ્રેગન સ્પેસક્રાફ્ટ દ્વારા ધરતી પર સુરક્ષિત પરત ફર્યા છે. sunita wiliams is back આ યાન ફ્લોરિડાના તટ પર બુધવારે સવારે 3.27 વાગ્યે સફળતાપૂર્વક ઉતર્યું. સ્પેસએક્સના ડ્રેગન યાનથી સુનીતા વિલિયમ્સ અને બુચ વિલ્મોરની સફળ વાપસી બાદ હવે દુનિયાની નજર આગામી એક્સિયમ મિશન 4 પર ટકેલી છે, જેમાં ભારતની મહત્ત્વપૂર્ણ ભાગીદારી હશે.

વસંત 2025માં લોન્ચ થનારા આ ખાનગી અંતરિક્ષ મિશનમાં પહેલી વાર ભારતીય વાયુસેનાના ટેસ્ટ પાયલટ અને ગગનયાન મિશન સાથે જોડાયેલ અંતરિક્ષ વિજ્ઞાની શુભાંશુ શુક્લાને આંતરરાષ્ટ્રીય અંતરિક્ષ સ્ટેશન મોકલવામાં આવશે. આ મિશન નાસાના કેનેડી સ્પેસ સેન્ટર, ફ્લોરિડાથી સ્પેસએક્સના ડ્રેગન યાન દ્વારા રવાના થશે અને લગભગ 14 દિવસ સુધી ચાલશે.

વિવિધ આંતરરાષ્ટ્રીય દળનો ભાગ હશે શુક્લા

Ax-4 મિશનમાં શુભાંશુ શુક્લા ઉપરાંત, નાસાના પૂર્વ અંતરિક્ષ વિજ્ઞાની પેગી વ્હિટસન કમાન્ડરની ભૂમિકા નિભાવશે. તેમની સાથે યૂરોપીય અંતરિક્ષ એજન્સીના અંતરિક્ષ યાત્રી સાવોશ ઉજનાંસ્કી-વિસ્નીવક્સી (પોલેન્ડ) અને તિબોર કાપૂ (હંગેરી) પણ હશે. આ ટીમ અંતરિક્ષમાં વિવિધ વૈજ્ઞાનિક રિસર્ચ, શૈક્ષણિક ગતિવિધિઓ અને વ્યાવસાયિક પ્રોજેક્ટમાં સામેલ થશે. આ પહેલી વાર હશે, જ્યારે કોઈ ભારતીય અંતરિક્ષ યાત્રી ખાનગી મિશન અંતર્ગત ISS પર જશે.

ભારત અને ખાનગી અવકાશ મિશન માટે મોટી સિદ્ધિ

એક્સ-૪ મિશન માત્ર અવકાશમાં ખાનગી કંપનીઓની વધતી ભાગીદારીને જ પ્રતિબિંબિત કરતું નથી, પરંતુ તે ઇસરો અને નાસા દ્વારા ભારત અને અમેરિકા વચ્ચેના સહયોગને પણ મજબૂત બનાવે છે. “ખાનગી અવકાશ મિશન માનવ અવકાશ ઉડાનનો વ્યાપ વધારી રહ્યા છે, જ્યારે માઇક્રોગ્રેવિટી સંશોધન માટે નવી તકો ઊભી કરી રહ્યા છે,” નાસાના ISS પ્રોગ્રામ મેનેજર ડાના વેઇગલે જણાવ્યું હતું.

ગગનયાન મિશનથી ફાયદો થશે

ઇસરો આ મિશન પર નજીકથી નજર રાખશે, કારણ કે તેમાંથી મેળવેલા અનુભવોનો ઉપયોગ ભારતના ગગનયાન મિશનમાં પણ કરવામાં આવશે. ભારતની આ ઐતિહાસિક ભાગીદારી ભવિષ્યના અવકાશ સંશોધન અને વ્યાપારી અવકાશ યાત્રાના દરવાજા ખોલી શકે છે.

આ પણ વાંચો: સુનીતા વિલિયમ્સે સફળતાપૂર્વક વાપસી કરતા ઈસરોએ શું કહ્યુ?