Netflix અને Amazon Prime મફતમાં મળશે! જિયો, એરટેલ અને Vi યુઝર્સ આ પ્લાન્સને કરો ચેક
HD ન્યુઝ ડેસ્ક : શું તમે પણ તમારા મોબાઇલ રિચાર્જ સાથે નેટફ્લિક્સ (Netflix) અને એમેઝોન પ્રાઇમનું મફત સબ્સ્ક્રિપ્શન મેળવવા માંગો છો, તો ભારતની અગ્રણી ટેલિકોમ કંપનીઓ તમને પ્રીપેડ પ્લાન્સમાં મફત OTT પ્લેટફોર્મની ઍક્સેસ આપી રહી છે. ખાસ વાત એ છે કે આ પ્લાન્સની વેલિડિટી પણ 84 દિવસની છે અને આ પ્લાન્સમાં તમને દરરોજ હાઈ-સ્પીડ ડેટા, અનલિમિટેડ કૉલિંગ અને બીજા ઘણા ફાયદા જોવા મળે છે. આવો એક નજર કરીએ આ ખાસ પ્લાન્સ પર…
એરટેલનો ખાસ પ્લાન
સૌથી પહેલા એરટેલની વાત કરીએ તો તેના પ્લાનની કિંમત 1199 રૂપિયા છે. આ પ્લાન એવા યુઝર્સ માટે શ્રેષ્ઠ છે કે જેઓ ઘણો ડેટા વાપરે છે અને પ્રીમિયમ OTT સેવાઓનો આનંદ માણવા પણ માગે છે. આ પ્લાન સાથે, કંપની દરરોજ 2.5GB હાઇ-સ્પીડ ડેટા ઓફર કરી રહી છે, એટલે કે, કુલ મળીને તમને 210GB ડેટા, તેમજ અનલિમિટેડ 5G ડેટા મળશે. આ સિવાય આ પ્લાનમાં દરરોજ અનલિમિટેડ કોલિંગ અને 100 SMSની સુવિધા આપવામાં આવે છે. OTT લાભો માટે, પ્લાન મફત એમેઝોન પ્રાઇમ સબ્સ્ક્રિપ્શન અને એરટેલ એક્સસ્ટ્રીમ પ્લે પ્રીમિયમ ઓફર કરે છે જેમાં 22 થી વધુ OTT પ્લેટફોર્મનો ઍક્સેસ મળે છે.
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો
https://chat.whatsapp.com/LuLIACK4WTYDPGdlAsSGrD
https://chat.whatsapp.com/FU8bgMOynfgJl4wCoEeiJw
https://chat.whatsapp.com/K2iNelyylPD9ZoDNpMuN9o
Vi નો OTT પ્લાન
Vi એક ખાસ પ્લાન પણ ઓફર કરી રહ્યું છે જેમાં તમને 1599 રૂપિયામાં મફત Netflix સબસ્ક્રિપ્શન મળે છે. સાથે જ, આ પ્લાનની વેલિડિટી પણ 84 દિવસની છે અને તેમાં તમને દરરોજ 2.5GB ડેટા મળશે. એટલું જ નહીં, આ પ્લાનમાં વીકએન્ડ ડેટા રોલઓવરની સુવિધા પણ આપવામાં આવી છે, જેથી તમે આવતા અઠવાડિયે તમારો અનયૂઝ્ડ ડેટાનો ઉપયોગ કરી શકો. આ પ્લાનમાં અનલિમિટેડ કૉલિંગ, 100 SMS અને હાફ-ડે અનલિમિટેડ 5G ડેટા પણ ઉપલબ્ધ છે.
Jioનો મફત OTT પ્લાન
Jio યુઝર્સ માટે એક ખાસ OTT પ્લાન પણ છે જેમાં તમને Amazon Primeનું ફ્રી સબસ્ક્રિપ્શન મળે છે. આ પ્લાનની કિંમત 1029 રૂપિયા છે જેમાં તમને 84 દિવસની વેલિડિટી મળે છે અને તે કુલ 168GB ડેટા, અમર્યાદિત કૉલિંગ અને દરરોજ 100 SMS પ્રદાન કરે છે. આ પ્લાનમાં Amazon Prime Liteની સુવિધા પણ ઉપલબ્ધ છે.
આ પણ વાંચો : અમદાવાદ : નરોડામાં મંદિરના પૂજારીએ કરી આત્મહત્યા: મંદિર બચાવવાની લડતમાં ભર્યું આ પગલું
